今日第二次去見余醫生, 不過今次同上次簡直係天堂同地獄... 上次一去成兩個幾鐘, 今次只須半個鐘!! 無錯, 係半個鐘!
我去到既時間得一對couple係到, 等左一陣就有得睇啦! 余醫生一見到我就話好耐無見同問我點, 我第一時間同佢講我病左, 因為我有鼻敏感... 佢好好咁同我講如果無發燒, 咸豆都唔會有事, 係媽媽辛苦d啦... 之後佢又問我上次照唐氏綜合症照成點, 又問我係o米 book o左係威院做結構超聲波... (佢真係好多野講!!)
今日做scan再一次confirm咸豆係仔仔, 可以開始改下名啦, 哈! 不過今日唔係好睇得清楚咸豆個樣, 只係見到佢已經曲左腳, 所以已經度唔到咸豆幾長啦! 不過都証明咸豆已長到一個程度, 要曲腳先夠位... (咸豆說: 媽o米, 係你太細粒已而!) 余醫生都話我比較細粒同腰短, 所以會好見肚... 但係點解個個都話我唔覺眼? (醫生就話: 因為媽o米比較skinny...)
今日都正式book o左余醫生同係仁安既床位, 而家可以放心去做其他東西lu...
今日磅數: 47.9kg (105.38磅) - 今次用同上次見余醫生個一樣, 比起一個月前都係重左1磅到啦!
P.S. 今日知道同事珍花花都bingo o左, 超開心! 不過, 佢粒咸豆就唔係好聽話, 所以花花要在家休息! 希望佢粒咸豆乖乖地, 咁我家咸豆就有伴啦! 我地會一齊為花花同花豆打氣!! >加油呀!!<
2 comments:
恭喜小咸豆快高長大！你就好啦, 人靚拕仔都拕得輕型d o既。不過點解你有o左之後成日發現身邊d friends都有o左, 其實係咪你傳染到其他人呢?
不如咸豆仔叫譚情啦!肯定溝死女!
哈哈... 其實當我發現完同事花花都有左之後一日, 我又發現朋友既家姐有左... 預產期仲早我一個星期... 第時咸豆搵學校就弊啦~!
譚情都係個好名, 不過可能要用呢個"程", 男仔d麻... 女仔就可以用呢個"晴"!!
Post a Comment