小豆大作戰

小豆其實早在3歳多已做過一次智能測驗，原因是K1時班主任覺得佢有資優的傾向，做下測試可以早些培養佢有優勢的地方。當時的結果係佢叻不過又未到資優。

日子過去了，豆媽在朋友的介紹下又認識了一個地方可以做心理及智能評估，以便找出合適的方法去教導小豆。本來以為可以省回智慧評估那部份，但彭叔叔說當年的評估內容應是六歲以上的兒童做的，不明白為何會給小豆做。豆媽心想：當年應該有跟豆媽解釋過，不過，豆媽已忘了。神奇地豆爸今次又無反對，所以，最終兩部分的評估都做。

經過了一個半小時的評估，和接近一小時的講解，小豆的智能評估總分跟三年前一樣，都是122。不過，各項分數卻有明顯分別。原來小豆是一個短期記憶好的人，所以，要考試前才溫習。而小豆對自我認同感好低，所以，要搵辦法提升。最難的一環是要改善小豆和豆弟弟的關係😓 

忙完一個下午，晚上就帶了小豆去德福食晚飯和睇transformer展。

豆弟弟的作品

晚上回家一打開家門豆弟弟就急不及待去跟豆爸解説自己的作品，大概是一架車可以在一橦大廈坐升降機上落。

小豆做隊長

小豆去了小童軍大概有一年了。因之前的隊長都長大，所以小豆就進升為隊長今日帶領小隊員宣誓。

豆兄弟放暑假篇 - 無野搵野黎攪（續集）

自豆弟弟昨晚洗完碗之後，今晚就到小豆。

豆兄弟放暑假篇 - 無野搵野攪

自從上星期ICS Summer Camp完結後, 豆兄弟正式開始佢地的悠長假期。 其實, 豆兄弟並不是全面停工, 只是無咗正常返學的堂。不過, 只是短短三天, 他們已開始忍不住悶了! 晚上, 豆弟弟突然話要幫手洗碗。姐姐本來拒絕豆弟弟的要求, 但豆媽就覺既然佢有心做就要俾佢做。小豆見豆弟弟有得玩立即要加入, 不過, 因廚房太細的關係, 小豆只可留待下一次再幫手。希望豆弟弟可以keep住呢d主動性!

豆媽反轉書展

一年一度的書展，又是豆媽破財的時候！今年豆兄弟長大了，好像多了書可以選擇，所以，豆爸媽行了足足6小時。雖然荷包乾了，只希望豆兄弟的知識可以有所增長。

小豆爆笑錄

豆媽每年的放榜早都會很忙，今年亦一樣，在office做電話小姐。

豆爸：今日忙嗎？

豆媽：今日在office做電話小姐，不用到留下幫手

小豆：點解既？其他人呢？

豆媽：都在樓下，只有媽媽跟一個姨姨在office。

小豆很認真的道：哦！因為媽媽是隊長，所以在總部。我做組長是，都要留在課室幫忙收拾的！

小豆，你真是一個可愛又心地善良的小朋友😘

豆兄弟放暑假篇 - ICS Summer Camp

7月一到，豆兄弟又開始放暑假。學校的暑假足足數有2個月，為了不令他們拆了間屋，豆媽就安排兄弟二人到ICS玩。小豆已是第二次參加，不過，第一次參加的豆弟弟都很喜歡👍

小豆之升小預備篇 ～ 1

今日同小豆去了買校服。在校服公司認識了兩位準同學，一位是很斯文的葉詩蕾同學，另一位是印度藉的王萬頓同學。不知他們將來會否是同班同學哩？！

豆弟弟語出驚人錄

豆媽：今日五點同高糕睇醫生喎！

豆弟弟：係我同高糕去。

豆媽：哦！你同婆婆一齊去。

豆弟弟：唔係，我同高糕去jer。

豆婆：係呀！佢昨晚話自己同高糕入去。

豆媽：你知點同醫生講？

豆弟弟：知，佢紅色線同黑色線....

(豆媽一臉忘然...）

豆媽再問：那麼你有錢俾嗎？

豆弟弟：問婆婆攞囉！

哈哈哈哈！！

後記：最後小豆跟豆弟弟都有陪高糕去睇醫生。豆婆話豆兄弟很努力用醫生的鄉下話講述高糕的病情，十分好笑哩！

公主17歲生日快樂！

高糕公主，祝你健康快樂！

下水禮

經過母親節同豆弟弟去行沙灘後，今日第一次同豆弟弟下水。本來豆弟弟唔驚，但係當豆媽將豆弟弟放入水抱後一不小心豆弟弟反艇浸了入水。豆弟弟便哇哇大喊還抱住豆媽不放。幸好，過了一會後豆弟弟都放開了心情玩。希望豆弟弟不會因今次的失誤而怕水。

西遊記通識篇

我: 點解觀音娘娘念緊箍咒時只有黑熊怪痛,孫悟空就無事?

豆爸: 型號唔同嘛!

小豆: 因為觀音娘娘在念咒前會先叫受罰人的名字!

今回又係小豆勝，Yeah!!

陳守仁開放日2014

為了令小豆對佢間小學'to be'有多些認識，豆爸媽連同豆兄弟丶豆婆同豆姑姐姑丈一行七人去了陳守仁開放日參觀。

去學校之前，當然要醫下肚先啦！我們在奧海城吃過午餐後，就向學校出發。因為學校早前宣布今年沒有小一入學講座，所以都吸引了一班1516升小的父母，令場面份外熱鬧。

我們在地下操場玩了一個遊戲後，便去了二樓的小一班房參觀並讓小豆感受一下將來的上課環境，好讓小豆9月份可更快適應。總括而言，是次開放日與早兩年的分別不大，學校和家長們都很用心去招待來賓。而對學校事宜一向都無concept的豆婆今日都話從壁佈板上的功課，可以感到學校是用較新式的教學方式。不知道這是否適合小豆，只希望在一個相對活潑的環境，小豆可以學得開心！

無端端放咗日假(愚人節快樂)

今日是小豆學校到火炭山小學的日子，雖然小豆之前已有著落，但為免個個都有人陪，所以還走放了日假陪仔。

橫豎已放假，豆媽先去接豆弟弟放學再去食埋個lunch才去學校會合小豆。時間都是啱啱好的，去到學校門口老師就開始派名貼，之後就安排上車。老師話門口塞車，所以安排家長到外面上車，小朋友待會會在學校門口上車。哦！咁豆媽就不可以同小豆同車了😨

去到學校，家長就被分組去參觀。無錯，原來都係家長同小朋友分開。直到參觀完畢，回到學校豆媽都係無機會見到小豆😱😱😱

豆媽媽只好嘆一句愚人節快樂🎉🎉

意想不到的驚喜！

已經踏入3月尾，一心以為所有事都暫告一段落，一心去等大抽獎出結果後再算。誰昨天早上突如棋來的一個電話，令豆媽有如上坐過山車一樣。原來waiting list真的會有機會的，豆媽今日就收到心儀直資的電話💕

因為是直資學校，一旦接受就不可以再抽獎。思前想後，豆氏一家還是決定接受這份上天的禮物。至於另外那份禮物，我們會再衡量一下，希望可以盡快將其中一份禮物轉送給其他小朋友！

豆爸今日已經去直資學校辦好手續了，總算為這兩年的努力添上美麗的顏色🎉

接著就是一連串升小的準備了，加油💪💪

陪哥哥同牙仔say goodbye

小豆之前成日話牙鬆唔食野，今日專程同佢去找照顧豆太嫲、豆婆同豆媽多年的蕭醫生解決問題。蕭醫生只用了零點三秒已經攪掂，小豆連反應都來不及俾。之前，我們就跟小豆去食雪糕🎉

人日快樂！(6.2.2014)

流鼻血記

不知為何，豆弟弟好似特別容易流鼻血。11月時，第一次在學校流鼻血，之後可能天氣乾燥，所以睡夢中都試過流。

1月23日

小豆同豆弟弟晚上在房內玩，誰知小豆一個直拳打到豆弟弟的鼻上，豆弟弟的鼻血有如泉湧。好在豆媽之前上了一個兒童急救課程，所以，即使豆弟弟足足用了20分鐘才止血都無被嚇倒。看來，豆媽要上埋個急救証書課程了！

自從小豆一拳後，不知是巧合還是未痊癒，豆弟弟已經流過兩三次鼻血了。看來下次去看醫生時要問下先得。

大抽獎2014

同一張表格今年再填一次。首選依舊都係沙呂，但乙二就改了，因為手中已有一間眾人❤️中的心水學校，所以大膽一試可不可像同事一樣好運不中狀元都可中榜👀。

我們亦依舊在星期天上午交表，整個過程只要20分鐘已完成，非常順利。希望派彩結果都一樣順利！

再戰小一小結

今日收埋最後一間私校的消息，暫時的結果是1個offer，5個waiting，3個rejected同兩間無去。或許是註定小豆要經歷一次大抽獎，或許是希望兩年後豆弟弟不用再經歷相同的面試洗禮。其實，現在在手的已經是很好，希望會有更適合的啦！

終於等到了！

經歷兩年的小一入學面試，小豆終於等到第一個Offer了！ 或許真的是緣份，若不是豆媽那個星期六要上班，又在離開office前到學校website一看，小豆已錯過申請時間了！ 到第一次面試那天，豆爸又要去工幹，只有豆媽和豆婆帶小豆去。 到第二次面試那天，豆媽又忘了學校有寄一封信給我們，最後只帶了網上版的信和面試証。幸好，老師還是讓小豆去面試。豆媽還一直擔心自己的大意會影響小豆被取錄的機會哩！ 到了今天得知小豆被取錄的消息，豆媽真的很開心！終於可以平靜地等候其他學校的結果了！

公主，16歲生日快樂！

小跳豆復活節記

今年的復活節與清明節很相近, 如果放一日假就可以連放6日. 豆媽本來都會放半日, 可惜到最後也是要返足一日!! 而豆婆就一如以往, 北上五星級的家去. 4月4日清明當日, 下午跟Jed表弟在沙田吃過午餐後就和豆姑姐與龍哥哥去了牛池灣公園玩了一個下午. 玩完之後就去了小豆至愛Mega Box吃晚餐. 4月5日因豆媽要上班的關係, 小豆就同豆爸去了遊歷. 以豆媽所知, 小豆去了中環坐叮叮到灣仔, 之後坐巴士去旺角再坐MTR去荔枝角,葵芳再回旺角先返屋企. 豆爸送了小豆回家後再接豆媽放工去了沙田Home Square找造傢俱的公司. 4月6日, 本來想跟小跳豆郊遊, 很可惜因天雨而取消. 最後我們就去了愉景新城Outback食晚餐. 對玩好有興趣的小豆, 竟然記得呢到有架Thomas車仔!! 豆弟弟見到Thomas車仔就雙眼發光 @_@ 4月7日, 豆弟弟的Playgroup是日休息一天, 而好努力的泳班則如常返學, 所以小豆就繼續游水去! 上完泳班之後, 小豆主動提出在家休息一天, 所以豆媽就改同豆弟弟去街街. 第一站去了佐敦牛奶公司食午餐. 果然係有泊車寶就泊車去邊都無煩惱, 我們竟然連佐敦街位都泊到!! 之後, 就去了永安再去了深水涉福華街...最後去埋沙田市中心買野俾小豆就回家吃晚餐. 4月8日, 豆爸約了同事的小朋友到Mega Box的Play House玩. 玩完後又在Mega Box食晚餐就回家. 4月9日, 天氣終於都好轉, 所以就去了Disney Hotel的活動. 一心以為是室外活動, 誰知, 去到又是室內活動 >.< 有一點失望, 不過, 唔洗俾蚊叮也好啦! 是日最大的surprise就是見到豆媽朋友 - 阿俊一家!! 很少見到豆弟弟會如此失禮, 今日豆弟弟竟然為了玩車車而大鬧廸廸尼... 唉... 活動完結後, 又係回家食晚餐的時候了 ^C^ 一連幾天的復活節假期就完了... 又要多等數星期先再有假期了 !

我得咗啦!!

快要2歲的豆弟弟又開始為幼兒園作戰... 由於有小豆的經驗, 豆媽乞今次只報了四間幼兒園, 包括嘉德麗, 啟思九龍塘與兩間樂基. 由於嘉德麗與啟思九龍塘的面試撞了時間, 所以豆媽就放棄了啟思九龍塘的面試, 深知如果無其他幼兒園offer, 嘉德麗都一定會因為哥哥的關係收豆弟弟. 面試的日期係10月左右, 相比起應比哥哥成熟, 很可惜弟弟到現在都不懂說話. 面試當日, 豆弟弟更是周圍走, 幸好有小豆的關係, 嘉德麗還是給了豆弟弟一個學位 ^v^ 有了個學位在手, 豆爸同豆媽都輕鬆不少! 我們在11月先去九龍塘樂基面試, 一如其他九龍塘的幼兒園, 都是人山人海的! 如我想像的一樣, 豆弟弟都係唔理人, 所以, 豆媽今次專登用英文interview, 橫豎豆弟弟不會講, 就等豆爸發言啦! 賽後回顧, 豆爸有些誇大了, 這不失為一星期後火炭樂基面試好好的exercise!! 火炭樂基不如九龍塘那間那麼多人, 又係因為用英文interview的關係入到去好快就有得interview. 因為豆爸已同老師解釋豆弟弟仲未會說話, 所以老師只係同豆弟弟做手作仔. 當豆爸同豆媽以為豆弟弟不會回應的時候, 豆弟弟竟然跟足instruction做晒所有動作!! 而豆爸今次答問題亦比上次答得好~! 過完新曆新年終於有結果啦... 九龍塘樂基失敗.... 火炭樂基成功!!! 雖然豆媽覺得豆弟弟interview得幾好, 但多多少少都係因為豆弟弟係大仔的關係, 所以得咗!! 不過, 點都好收就好啦!

豆媽生日巡禮之機場篇

七月一向是不能放長假的月份，不幸的豆媽卻是七月既baby。可幸近年總算可以放一兩天假，起碼生日當天不用返工已很好。而今年的生日正好是星期六，所以就順便攞一天假去製造一個long weekend獎勵一下自己。 本星期初已知今天會下雨，雖然很想用下張迪迪尼年票，但還是準備了plan b just in case天氣不好。大家一看標題就知豆媽今天是去不成迪迪尼而是去了機場。 其實以前都有聽聞機場二號大樓係有野玩，今日豆媽就同兩顆小跳豆去証實一下。我們大概4時多才去到二號客運大樓。一去到就去了航空探知館。還以為會有好多野玩，原來只是個小小的展覽館。幸好，那邊有很多touch screen的東西，還有個模擬機倉給小豆玩，都是一個不錯的地方。 之後，我們就在機場內四圍行，豆婆亦是抱着遊客的心態去為場內的店舖打氣！！行了一會小豆嚷著要吃飯，我們便在機場吃晚飯。飯後小豆與豆爸去了星光館睇optimus prime後我們便離開。 雖然只是短短4個多小時，但跳豆們已很累。而大人們對此行亦很滿意，因為不用跟其他人迫而又有冷氣的地方真不多哩！

遊迪欣湖

近期又活躍於baby kingdom的豆媽之前發現了一個慈善步行在迪欣湖舉行。之前missed了奧比施那個，今次當然不容有失！ 等了成個月，今日終於是步行大日子。昨晚豆弟弟好像發燒，但因豆媽一家去了肥舅父新居過夜，所以無葯又無探針。幸好到了早上，豆弟弟還是很精神，所以豆媽還是堅持帶跳豆們去行。 因遲了出門，我們還在欣澳站時就收到大會電話。本來今天應是下雨，但今早卻是陽光普照，所以行到去報名處已經滿頭大汗。由迪迪尼停車場行到去迪欣湖小豆都是坐手推車，不過去到迪欣湖後小豆就自己行到回終點。 終點處有一個地方要參加者將一些假磚塊去合力建一間屋，小豆就是為了這個玩意才能堅持到回終點。玩完磚塊後本要離開，但豆爸又說要食hot dog，所以我們就站在終點處的一個涼亭吃東西。而終點處那邊就在進行一個頒獎儀式。獎本是要酬錢最多的，但因點算的問題故改為最早報名的。小豆一邊看一邊問為何沒有獎時，那邊就讀了豆爸的名。我們不理三七二十一就跑到台前。小豆當然很開心！而我們的獎品是每人一對donald and daisy duck！ 活動完後因怕豆弟弟發燒，所以我們就回家去了！

下水禮

經過母親節同豆弟弟去行沙灘後，今日第一次同豆弟弟下水。本來豆弟弟唔驚，但係當豆媽將豆弟弟放入水抱後一不小心豆弟弟反艇浸了入水。豆弟弟便哇哇大喊還抱住豆媽不放。幸好，過了一會後豆弟弟都放開了心情玩。希望豆弟弟不會因今次的失誤而怕水。

我一歲生日啦！

去年今日，豆媽媽就係仁安醫院首次做手術生了豆弟弟。 豆媽媽為了公平，早前已在BB展訂了個影相package俾豆弟弟。之後，一路都想同豆弟弟去個short trip，但基於小豆都係成日唔願行，所以大家都有hesitation。而因天氣的關係，豆媽等到星期一才決定去迪迪尼跟豆弟弟慶祝。 雖然人家都說hollywood 沒有disney hotel咁好住，不過豆媽都認為不錯！這邊的職員還比另一邊的友善多哩！check in 完後，豆媽就跟豆婆帶住兩粒小跳豆進攻迪迪尼。第一站去了同巴斯影相，之後就入了巴斯間屋。滿心以為小豆會很開心，但可能是小豆太眼瞓，最終都係扭計多。而主角豆弟弟就一如以往，只是呆呆地看。看完煙花之後，大家便回酒店休息。 今早餵完豆弟弟食birthday lunch之後便check out。酒店內有一個play room，兩粒小跳豆在裡面玩得很開心。大概中午時份，我們就再戰迪迪尼。上天對這兩粒小跳豆真的不錯，整天都是天陰有風但沒有下雨。今日，小豆還跟很多卡通人物拍照！直到5點幾我們就開車回家。途上兩粒小跳豆當然係變了小豬啦！ 回家途上在第一城買了個蛋糕回家跟豆弟弟慶祝一歲生日。小朋友的生日，還是平平安安地過好了！

禍不單行之水痘後記

見小豆手上有小水泡，一心以為小豆是出水痘，本應不該讓小豆返學，但豆婆想今天回去開party如小豆不去會失望，所以都係帶咗小豆去學校。 誰知不到10點，豆婆已經收到學校來電要去接小豆。豆婆同小豆去睇醫生，診斷話係手足口病而不是水痘。劉醫生仲話：唔係一定會傳染到豆弟弟，不過機會都幾高@_@ 回到家時，豆弟弟都開始有俾感染的跡象。看來boxing day的聚會豆弟弟去不了！

禍不單行之水痘記

在豆弟弟剛復原之際,又到小豆病 >.< 剛過去的星期五,豆婆同肥舅父上左五星級的家... 當晚半夜小豆就發燒了,仲要係瞓到接近天光時豆媽feel到小豆好似好熱,所以起床幫小豆check... 一check之下,小豆已經燒到成40度!!! 豆媽立即餵小豆食藥... 好彩小豆都好合作,食完藥就瞓... 在帶小豆往睇醫生途中,豆媽同小豆有以下對話... 豆媽: 都唔知係米"反斗城"既病毒太勁所以整病你... 不如我地下次唔好去lor... 小豆: 好啦... 我地唔好去啦... 等阿契爺買俾我得啦! =.= 真係俾呢個小豆氣壞!! 自小豆見番豆婆,佢的病情好像好了些... 不過,今晚豆媽卻發現小豆手上有d好似水痘既物體... 看來明天又要同小豆去睇醫生了...

我真的病了

上星期豆爸帶左有少少鼻水既豆弟弟去睇醫生,以為豆弟弟會好快好,誰知唔好之餘仲令豆媽媽都病埋 >.< 呢兩兄弟真係好鍾意係自己生日既日子病,所以剛剛又同左豆弟弟去睇醫生... 因為劉醫生不在,所以今日就睇左朱醫生... 因為豆弟弟既鼻水都係好塞,而又病左成個week,所以朱醫生就想建議豆弟弟食抗生素... 不過,由於豆弟弟無發燒,所以豆媽媽都係拒絕左... 希望豆弟弟快d好啦!!! 後記: 經過數天食藥... 豆弟弟都係未係好得晒... 當豆媽媽plan左再同豆弟弟睇醫生時,豆弟弟又好似好返咁... hhaa... 希望豆弟弟唔好再受小豆感染就好了!!!

小豆三歲生日快樂！

又係非常忙碌既九月！因為忙到沒有太多時間為小豆張羅，所以沒有像其他小朋友一樣辦大型的生日會。雖然係咁，豆媽還是安排了一些節目給小豆。 因為豆爸在同事強烈推介下決定同小豆去愉景灣沙灘玩。第一次去愉景灣感覺同去馬灣差不多，只是比馬灣大一點和清潔一點。豆弟弟由豆婆同豆姑婆照顧，而小豆就由五個大人的護送下落沙灘玩。小豆起初都不是玩得好自然，或者是怕dirty啦！不過，小豆之後都玩得好開心。 去完沙灘就同小豆去了disneyland hotel間中菜食晚飯。 眼見小豆都玩得好開心，其實小朋友的生日這樣已很足夠吧！

眼瘡後記

手術後,豆媽跟住醫生既指示同小豆擦眼藥膏... 不過,小豆既情況好似沒有好... 所以豆媽星期六再跟小豆去睇醫生... 醫生check完後又說不似番發... 叫豆媽繼續擦眼藥膏...

可惜小豆既情況好似都無好... 下個星期六小豆會再覆診,希望不用再做手術就好啦...

小豆生眼瘡

自從小豆上星期跟豆爸去左上環一波波池玩之後,小豆就患上傷風同隻左眼眼皮有小小紅...醫生開左一枝眼藥水再叮囑豆婆可以幫小豆用熱毛巾熱敷一下...

小豆當然不願意熱敷啦,所以只係幫佢滴眼水... 可惜眼瘡越來越大粒,所以昨天唯有叫豆婆再跟小豆去睇醫生... 醫生一睇就話粒瘡太大,要小豆睇眼科醫生再決定如果解決... 豆媽一放工就同豆婆帶小豆去馬鞍山睇眼科醫生... 阿醫生一睇就話要做手術,因為粒瘡太大,小朋友唔定,麻醉會好些...

豆媽做左個好快既決定,而醫生又有期,所以今日早上就同小豆去左仁安醫院做手術... 因為要麻醉,所以小豆做手術前6小時不可飲野或進食... 當大家都擔心小豆會扭計時,小豆反而好乖...

早上9.30就係小豆做手術既時間,麻醉師跟大家解釋麻醉既程序,之後再問誰會跟小豆進手術室... 豆媽當然一口就話會跟小豆進手術室(期實就算豆媽問,豆爸都係唔會去...)... 豆媽穿上手術保護衣後就跟小豆入左手術室... 麻醉師給了些麻醉氣小豆吸,小豆很快就暈左...(小豆都有喊,不過都係係1分鐘內就暈左啦...)護士係小豆暈左之後就叫豆媽出手術室...大概20分鐘後,護士又就叫番豆媽入手術室... 入到手術室小豆已經醒左喊緊... 豆媽上前抱住小豆,小豆都好快不哭了,連護士都話小豆既表現在10分!!!

小豆上左手術室後,豆媽跟豆爸就離開由豆婆留下陪小豆... 大概下午3點左右,豆媽就回到醫院接小豆出院... 去到醫院時,小豆在睡覺...豆婆話小豆都好乖,起身玩左一陣,食左4安奶再睡...豆媽辦好出院手續就叫醒小豆...豆媽買左餅餅獎勵下小豆...小豆一定是很餓,所以食左好多餅餅... 之後豆婆就跟豆媽帶小豆坐車車回家...

總體小豆既表現係一級出色...而醫生亦話手術好順利... 不過,眼瘡係會好易番發,所以只期望小豆一切安好啦...

K1 interview - Round 3

今日去左根德園interview... 去之前已經聽聞老師係會request小豆唱歌…

到了校門口, 因為已經好趕, 所以不用line up都可以入學校lu… 小豆同豆媽跟指示去左交application既地方, 小豆好似好知要做羊… 仲叫豆媽俾張application form等小豆俾老師…

交完form, 小豆同豆媽又跟指示去左另一間房等interview… 只係等左1-2分鐘就已經可以見老師lu…

今次係由兩位老師in小豆… 不過,小豆就唔係好願答… 雖然到最後小豆都有答,不過都係好細聲…. 唱歌又只係細細聲咁唱左一句… interview左大概last左10mins就完啦…

離開左學校之後,豆媽call豆婆…豆婆問小豆interview表現如何… 小豆竟然同豆婆講: bb唔唱歌呀!! 真係俾佢激死!! @@ 以今日小豆既表現豆媽相信小豆已經知到interview係做羊… 只係要看心情吧…

小豆: 寶寶今天上學去!

小豆開始適應返學既生活... 雖然上車時都係話唔返學,不過去到學校都總算肯自己入學校... 今日豆媽見到小豆好依依不捨咁回望豆媽,但係小豆都係自己行入課室...

放學時,豆婆打俾豆媽話小豆一出學校就同豆婆講:寶寶今天上學去!

其實小豆近這兩星期都成日係屋企唱歌... eg. ABC, Row Row Row Your Boat, Head and Shoulder etc.

終於可以鬆一口氣啦^^

K1 Interview - Round 2

今日小豆又去左另一間學校interview...今日果間係啟思(九龍塘正校)...雖然沙田都有啟思,不過豆婆不太喜歡那裡的環境,所以還是選擇了九龍塘那間...

到了校門口, 長長的人龍… 等了一陣才入到學校… 因為四周都有好多小朋友在玩,小豆已經嚷著要去玩…

領回application form後,豆媽就同小豆入課室interview… 跟昨天的arrangement很不一樣, 小朋友和家長是可以自由坐… 一張table會有兩至三位老師分別問小朋友問題…可能因為是這樣,所以小豆只顧看身邊的人和事,對老師既問題都不回應…. 反而小豆對另一位老師的指令很有反應 >.< 小豆亦可能見到好像平日返學既setting, 成日同豆媽話:媽媽走啦… bye bye媽媽… 老師唯有問豆媽小豆平時是誰帶… 又問如學校給小豆下午校豆媽是否考慮… 很快個interview就完結了…

Interview完了後,小豆就在學校玩了一會… 之後便跟豆媽去食lunch…

幸好這間學校不是豆媽的很想小豆入… 所以in得不好都問題不大既^^

K1 Interview - Round 1

十一月係小豆再戰幼稚園Interview既月份... 雖然小豆現在間幼稚園已經預留左K1既學位俾小豆,不過豆媽都係想幫小豆in下一些心儀既學校,希望給小豆多d選擇... 始終九龍塘的幼稚園地方比較大,小豆會有多些地方玩^^

第一個interview係St. Catherine Kindergarten...
小豆的學校今日剛好不用上學,不過小豆今朝都係同平日返學一樣時間起床... 因為豆媽只係take左half-day off,所以今朝就由豆爸車返工... 為了怕小豆要跟尾,所以豆媽就叫CitySuper姐姐同小豆到樓下玩...

小豆神奇地十一點半多就要食lunch,好似知道自己要去interview咁...

我們大概1.35pm左右到學校門口... 已經有一條長長既人龍啦! 不過,好在因為我們已到時間interview,所以不用line up就可以入學校啦^^ 原來學校真係只allow 1 parent陪小朋友interview,所以豆爸只好在外面做啦啦隊lu...

第一個感覺係d老師同員工都好nice,同有好多地方走動(比起小豆現在間學校)...

小豆可能怕豆媽會好似平時返學時咁留低佢,所以佢一邊叫唔返嘉德麗 >.< 豆媽只好一路跟小豆講:我地係line up去玩"蕉蕉蕉"... 接過小豆張application後,豆媽就同小豆坐在一旁等interview... 為左令小豆relax d... 豆媽就係課室指下d picture等小豆可以無咁怕...

老師終於都叫小豆去interview...

Part I - Group Play
大概有四-五個小朋友玩... 因為有幾件玩具係地下,所以豆媽就叫小豆pick up番... 不過,小豆實在太快,仲幫坐在附近既小朋友pick up埋...點知就係因為咁整喊左個小朋友... 豆媽個心即刻涼左一涼,因為小豆一見到小朋友喊佢就會不安... 豆媽唯有拍下小豆再分下小豆既心,好在小豆都無俾個小朋友影響到^^

Part II - Individual Interview
老師帶左我地成班去一間房等interview... 等左一段時間都未到,不過好在小豆都好乖,一邊等一邊同豆媽唱歌同玩... 終於,老師都叫譚... 無錯,老師係唔識點讀下去,所以豆媽已經立刻應左老師啦!

老師都問左幾多問題…
1. 你叫羊名? 幾多歲? 邊個同係黎? 小豆雖然怕羞,但係都答晒d問題…
2. 你眼鼻耳口係邊? 小豆都係怕怕羞羞咁指俾老師睇…. 不過指眼仔時佢就係指豆媽既眼… @@
3. 老師俾左張有blue, yellow and red 既card俾小豆, 指住blue問小豆係羊color… 豆媽心中暗喜,因為小豆通常只會答 “藍色!”… 之後,老師左件積木係blue那一格就俾左件red俾小豆… 小豆就放左係red那格… 之後,老師再將yellow的放到blue那格問小豆是否正確… 小豆就指住yellow那格…
4. 老師俾左一支湯匙,一條毛巾同一支牙刷小豆,問小豆:你用羊黎食飯? 小豆就攞左支湯匙俾老師… 不過,當老師問小豆:呢支係羊… 小豆就無答lu
5. 老師再俾左張圖畫小豆,上面有船車同飛機既shape.. 老師再俾左呢三樣野既圖畫小豆… 小豆都可以match到d shape lar
6. 老師又俾左一抽好似key咁既toy俾佢… 之後就將d key分開再叫小豆砌好… 小豆都做到
7. 之後老師就問豆媽為何要選這校….

最後離開既時候老師叫小豆要把chair 放好… 整個interview就finished lar…

小豆都叫做in得幾好… 不過,實在太多人in啦… 所以,就算不成功,都唔關小豆既事lar^^

小豆再上學 - Day 2

又返學啦... 今日不願起床既情況加劇,因為前一晚小豆完全唔肯瞓... 但幸好,都順利叫到小豆起床換衫^^

一路上學,小豆一邊話唔返學... 不過,今日小豆都無反感行向學校門口(因之前小豆對行向學校門口係好反感的!)... 去到學校,小豆都好乖咁量體溫和洗手... 今日唔同係,小豆見到老師時都係拖得豆媽好實... 豆媽陪小豆坐低,一邊跟老師傾小豆既情況... 小豆一面叫豆媽,豆媽都有答小豆:媽媽係到!

到其他家長開始離開,小豆就忍唔住喊... 幸好,小豆都肯跟老師...

豆婆說小豆放學果一刻都有喊,係那種慣性的喊... 不過,豆婆今日早左到所以豆婆有在窗外聽小豆上課既情況... 豆婆話聽到鬼鬼老師同小豆上英文堂, 應該教緊小朋友a.e.i.o.u.... 豆婆仲話聽到小豆笑wor...豆婆又話,問小豆返學開唔開心... 小豆都話開心!

其實今朝同老師傾小豆既情況時,老師都話小豆係有時會想離開位走去搵老師抱... 不過,當老師同小豆講:你再唔返位搵野做,老師就叫第二個老師睇你啦... 小豆為怕老師唔理自己,所以就會返位坐...

看來小豆已經開始習慣啦^^

十萬個為什麼? (Take 2)

1. 不明白電腦或電子遊戲既吸引之處, 為何每天都可以不眠不休不停手不能離開? 對著自己的另一半時卻不聞不問...
2. 人家可以為人家的母親/親戚申請休假相陪,但當自己的另一半有重要的覆診及自己的兒子入學面試卻表現冷淡,為何?
3. 人家可以為自己親戚申請長假去參加那人的婚禮... 這是理所當然的... 但為何那個婚禮是在平安夜前一天已完結,但那人卻選擇在聖誕過後才回港呢? 還要回港的第二天就立即上班... 難道人家從來也沒有想過要為自己只有兩歲大的兒子作個補償嗎? 難道人家真的已經忘記前年的平安夜那人已經為了另一個人將自己的另一半及兒子留在家中嗎? 為何?

當所有的東西都是重要除了自己的另一半及兒子外... 或許是時候好好想一想這裡是否真的是自己想要留下的地方...要到別人提出時才補救,已經太遲...

或許保險的確可以保障到物質生活,卻保障不了心靈上的傷害...

小豆再上學 - Day 1

由於小豆上星期病既關係,所以在家休息了足足一星期...

今日是小豆第一天再上學,大家都準備了小豆要重新習慣學校既生活... 為了令小豆有充足精神,豆媽在前一晚10.15就跟小豆入房瞓... 可惜,小豆到11.15都瞓唔到... 最後,連豆爸都瞓埋,所以昨晚就一家四口(加埋高糕家姐)一齊瞓...

早上,小豆都不是很願意起床,直到8.15才起來... 換上校服後,豆婆豆媽就跟小豆到樓下玩,希望小豆可以醒一點... 在返學途上,小豆一直嚷著:唔返學... 豆媽就跟小豆說:我地係去玩... 到了學校門口,小豆都不是很願意入學校... 不過,最終小豆都係好乖咁行入學校... 在學校門口,有其他老師幫小豆量體溫和給小豆洗手gel洗手... 豆媽叫小豆say thank you,小豆都有照做...

今日好好笑,小豆一樣有喊... 不過,小豆係在課室門口見到老師就走去嗲住個老師喊... 豆媽拖小豆入課室拿玩具玩,之後再跟老師傾兩句... 誰知,小豆又係一見到老師就走左去拖住老師喊... 豆媽見小豆都肯跟老師,所以就走了... 小豆連豆媽走左都唔知 @_@

返學係由豆婆接,因為豆媽今天要到威院覆診... 返學時, 小豆見到豆婆都喊,但係豆婆話未接小豆之前在課室外係聽唔到小豆喊... 老師都係話小豆其實都無喊...

總結 ~ 小豆應該好快會習慣學校生活啦 ^^

開學第五天

琴晚小豆好早就瞓,再加上今朝一早係屋企便便左,所以今日小豆心情幾好...

今日係生日會,所以不用穿校服上堂...

今日由豆媽帶小豆入學校,可能係夠瞓既關係,所以小豆都肯自己行入去... 入到課室,豆媽用玩具引小豆,希望佢既不安心情可以減少... 到豆媽離開時,小豆都係喊,不過就無熊抱式唔俾走...

接放學時,小豆算無喊(佢係見到我時想喊,不過老師叫佢唔好喊佢就即刻收左啦!!)... 老師都話小豆今日有進步,肯玩玩具...

放學後,豆媽帶左小豆返公司... 因為答應左一個心理學老師既invitation,帶小豆去做sample 實驗... 其實要做既野好簡單,就係同小豆係一間好多玩具既房到玩... hhaaa...

希望小豆下星期返學會繼續有進步啦....

開學第四天

又是另一天的開始... 今朝收到小豆老師既電話講小豆琴日既表現... 總結: 小豆係好無安全感,完全唔肯跟其他老師...

到上學既時間,小豆今日還是選擇豆婆陪佢入課室... 一樣係喊住入學校...

豆媽去接放學時先去窗外聽聽小豆有無喊... 答案係:無聽到既... 只係聽到老師在同小朋友唱遊中... 不過,到接小豆時,小豆一目到豆媽就喊啦 >.<

小豆今日又便便... 老師話小豆還是好依賴,不過今日係有進步既...

豆媽問小豆今日老師同小豆玩什麼... 小豆道:拍拍手,玩LEGO...豆媽再問:有冇玩滑梯同馬馬... 小豆都話有! 不過,小豆話唔鍾意老師同藍色姐姐(TEACHING ASSISTANT)

明天係生日會,希望小豆會鍾意上堂多DD啦 ^C^

開學第三天

今日小豆又返學啦... 不過,今日係由豆婆同小豆入課室(因為小豆知豆媽係會留下小豆的!)... 未入學校已經喊定先>.<

因為今日豆媽要去威院check up, 所以由豆婆接小豆放學...

小豆今日還在學校便便... 可能係太緊張啦...

2號的誕生

之前一直有很多人問:幾時有第二個呀? 豆媽都係答:過左屬牛先啦! 因為豆媽覺得屬牛的人會比例辛苦一點...

時間一日一日既過去,對的日子很快來臨... 而今天豆媽check到2號已經來臨了!

不過,這些都要待見到Mr.Bean醫生才可confirm ^^

是日休息!

因為小豆有d鼻水同咳咳,所以今日無返學 ^^

開學第二日

經過星期六日既休息之後,今日又係上學既日子...

小豆好乖咁好早就起左身... 把聲都仲係未recover,好沙...

今日只有豆媽同豆婆陪小豆... 去到學校,又係由豆媽陪小豆入課室...

今日同上次有兩樣不同...
1.小豆可能聽到其他小朋友喊就記得豆媽會走,所以一入到學校就喊住叫婆婆... 所以,今日係一入到課室就喊啦!
2.到接放學既時候,小豆一樣由老師抱出黎... 今日好叻,抱出黎時係無喊既,仲識講好好玩 ^c^ 老師話小豆今日有食少少餅同都肯玩,只係每樣玩具只肯玩1分鐘... hhaaa... 同埋今日已經唔洗抱咁多,每次小豆叫老師抱時,老師就叫小豆幫手收東西...

當豆媽還很擔心小豆唔知喊到幾時既時候,小豆今日既表現令到豆媽鬆了一口氣^^

開學了!

今日係小豆開學既大日子... 琴晚豆媽已經特別安排小豆早點睡,不過最終小豆都要到晚上11點前才睡著!!

當大家都擔心小豆會不願起床,小豆竟然一早7.15就醒左啦^^

我們一行三人陪小豆上學... 去到學校時都差不多8.50分了... 豆婆同豆爸在學校門口跟小豆bye bye後就由豆媽同小豆入學校... 在校門口已經聽到小朋友在喊,心想:小豆都應該會喊死啦! 不過,當豆媽走的時候,小豆反而好平靜... 滿心以為小豆會好叻,但當豆媽走到學校外的窗時就聽到小豆哭著要找豆媽了... 雖然是滿心不捨,但係小豆還是要學會獨立既...

今天還是適應週既第一週,所以小豆只要上1小時就可以走... 不過,那1小時對小豆或是豆媽一樣那麼難過 >.<
豆媽在上課半小時後再到學校外的窗聽聽情況(因為小豆被安排一個很近窗的位置,所以小豆的哭聲還是可以很清晰地聽到...

好不容易過了1小時,豆媽立即去接番小豆... 只見老師一手抱住兩個bb,其中一個便是小豆啦!!! 小豆一見到豆媽就話:bb喊呀!! 那副可憐既樣,豆媽是不會忘記的!! 不過,老師就話小豆唔算好喊,又將一些小豆上課時既相俾我們看... 老師又說只要跟小豆說你再喊老師就唔抱,小豆就會收聲... 所以都算okay lar... 豆媽心想:今天只是第一天, 下星期一定會更糟! 因為今日放學時小豆誰都不要就只要豆媽抱, 小豆一定很怕豆媽再留下他了...

唯一好的是,豆媽問小豆返學開不開心... 小豆還是答開心... 豆媽再問小豆下星期再返學好不好... 小豆還是答好!

而今日放學後,豆婆就同小豆去左拜豆公同車公爺爺... 希望兩位公公保祐小豆聰明伶俐,快點適應學校既生活^^

小豆2歲生日快樂!

又係9月19日小豆生日既大日子啦! 上年生日過左一個少少人既生日,今年我地決定過一個多多人既生日!

由於小豆對廸廸尼已經有一定既認識,所以今年我地就去左廸廸戶尼兩天遊... 團友包括有主角小豆,豆媽,豆爸,豆婆,豆太麻,豆麻,豆姑姐,豆姑婆,豆表姨媽,豆表姨丈,豆表舅父,豆表舅母... 而豆舅父同豆舅母就只join我地半天...

我們約左19號11點左右去廸廸尼酒店check in,再係酒店既中菜館食lunch,之後就向廸廸尼樂園出發!

Day 1
我地去左: 巴c光年,小小世界,睇花車,睇劇場同坐木划(不過,坐木划時小豆已經瞓左啦...所以,豆媽就同小豆在一邊等)...因為book左6.30食buffet,所以很早就回了酒店... 食buffet時,豆舅婆,豆舅公同豆表姑媽都來了join小豆... 雖然,buffet係有d貴,不過食物既質素又幾好,加上有卡通人物來影相,所以都okay啦!我們食buffet時跟小豆切埋蛋糕之後就回房了! 晚上,我們留下小豆同其他大人在房,其他人就再去廸廸尼玩黑色世界...

Day 2
由於廸廸尼既枕頭唔好瞓,所以豆媽好早就起左身... 我們一早就同左小豆去swimming... 之後就check out去樂園玩round 2... 去到樂園先去食左個lunch,之後就去玩... 我地去左: 巴c光年,car driving,小熊維尼同坐木划... 本來要去坐火車,不過因為花車既關係要close 1小時,所以最後都係無坐到...

回顧兩天既生日之旅,小豆都係好開心... 不過,天氣真係好熱,所以大家都有d辛苦... 下年都係同小豆搵d in door既活動好了... ^^

睇牙醫記

其實,小豆既牙仔由15-16個月時已經有d黑黑綠綠既色係牙面... 豆媽已經有同小豆擦牙,又要小豆每次食完野/飲完奶奶之後都飲水,以防佢蛀牙...不過,效果好似唔係太理想 >.< 但係,因為情況好似越來越嚴重,所以豆媽決定要同小豆去睇牙醫!!

為左prepare小豆睇牙醫時會合作d,豆媽之前幾日都同小豆玩check牙遊戲... 由豆媽幫小豆check牙,之後小豆又幫豆媽check牙...之後再同小豆講豆媽會同小豆去睇牙醫,到時牙醫都係會幫小豆這樣check...

今日去到仁安醫院,一入門口就有"實Q"叔叔派口罩... 小豆好乖咁戴上口罩我們就去登記... 雖然好似無人,但係都等左一段時間, 但好彩小豆都好乖!! 姑娘終於叫小豆啦... 姑娘好nice咁同小豆say hi,小豆亦好乖咁叫"姐姐"... 之後,姑娘俾左隻手指小豆拖住去見醫生... 豆媽為小豆安排左個女醫生,因為小豆見陌生既女士比男士好d... 醫生比豆媽想像年輕... 小豆上左張病人椅,初時有d怕,醫生話如果小豆唔肯,可以由媽媽抱住... 不過,當小豆接過細心既姑娘用手套所做既波波八爪魚,小豆就好乖咁俾牙醫check牙... 豆媽坐係椅尾陪小豆,等佢可以安心... 再陪佢做"ar"同"ee"既動作,令佢可以配合醫生既checking... 好在,醫生check完之後話小豆只係有牙穢唔係蛀牙... check完之後,姑娘仲送左貼紙俾小豆...

今日磅數: 24.12磅

今次checking小豆既表現係100分,完全無扭計,又合作,非常好!

每日一字

今朝係豆媽返工途中接到豆婆既電話, 豆婆話: 小豆剛見到電視上有人在踢波…. 佢就指住個電視講 “波”… 可能係因為我地呢幾日都係教緊佢講”婆婆”, 所以激發佢講左個”波”字啦…

其實小豆已經會講好多字… 豆媽都開始唔記得佢幾時開始識啦… 所以決定設立”每日一字”既環節, 記下小豆學講野既過程…

21/8/2009 McDonald

2009年4至8月 太嫲嫲,舅父,舅母,姨媽,姨丈,apple,果果,橙橙,蕉蕉,被被,匙,筷子,杯杯,嘉德麗幼稚園,小豆/豆媽/豆婆/豆姑姐/豆太嫲嫲既中文全名,siti姐姐,包包,餅餅,魚魚,肉肉,飯飯,面面,去街街,swimming,豆腐,菜菜,Daiki,老bb,玩玩,梳化,藍色,紅色,黃色,橙色,揸車車...
除左生字之外,小豆都會講sentence,如"please mama,我要食papa",”媽媽返工，Dipo返工，orso返工"...
仲會有對答...其中有一日,小豆唔肯食飯,豆婆好生氣咁話"唔愛bb!!"小豆答"愛我"... 豆婆再道"bb唔乖呀,唔愛!"小豆答"乖左!乖左!"... 豆婆忍唔住打俾豆媽報告 ^c^

21/3/2009 ple (please) & buo (blue)
16/3/2009 婆婆 (終於都真係識叫豆婆啦啦啦啦...)
8/3/2009 "Tan" or "Qu" mean Thank you
2009年2月中 Wo Wo Wo Wo Woooo - 耳分高下主題曲
14/12/2008 papa (因為我地餵佢食papa jelly,佢會同場加埋拍心口既動作)
11/12/2008 靚 / 街
7/11/2008 家姐
31/10/2008 波
2008年10月中 姐
2008年10月頭 奶奶
2008年9月中 燈 & Dale
2008年7-8月 mama / baba / 學無線新聞主題音樂 (didididididi)
2008年6月 ma / ba
2007年11月 哎呀 (其實係d喊聲似jer…)

歲半的突破

今曰係小豆歲半既生日... 不過,因為要去in芒果姨姨愛人既關係,所以沒有同小豆大事慶祝...

好彩豆媽返到屋企都仲可以見到小豆... 豆媽媽抱左小豆去房玩,小豆今日竟然做左個突破性既動作... 就係.... 係床到打左"關豆"啦!!

佢打完之後仲鬼死咁開心... 不過,之後佢想再打都唔成功lu...

奶粉又加價啦!!!

這次已經你小豆出世1.5年以來第三次加價啦! 而家真係應該食日本奶粉會平過本地牌子...

因此,今次豆媽決定下定決心向護協訂奶粉!! 一次過訂左1箱2號同1箱3號, 足足save左$170!!! 你睇小豆見到d奶粉幾開心~

豆媽的小情人...節

今日係情人節,豆媽當然係同佢既小情人一起過啦!!

節目一 同小情人上Playgroup
因為今日係星期六既關係,所以情人節既第一個節目就係同小豆去上堂... 一如過去既節日,學校都會prepare一d應節既小禮物給小朋友... 今次都唔例外,安排左枝假rose俾小豆送給豆媽... 所以豆媽總算今年有收過花啦!

節目二 同小情人去攞相
上年10月同小豆去左studio影相,終於有得攞啦... 不過,事隔4個月,小豆個樣已經唔同左lu... 回想影相當日小豆唔係好舒服,影完仲同豆媽雙雙去仁安睇醫生... 所以,出黎既作品都過得去,真係好好彩!!

節目三 同小情人去婆婆家
無錯,連豆太麻都問點解豆爸唔同豆媽去慶祝... 不過算啦呢d日子實又多人又貴,不吃也罷...

小豆... 希望你仲會陪豆媽過最小17個情人節啦...

玫瑰疹記

12月18日
放工時按到豆婆既電話話小豆發燒… 本來諗住去教協睇書,最後都係要返屋企… 見到小豆都係好活潑, 只係個人熱左d… 探熱就先知佢有成101度, 所以就俾左d退燒藥佢食… 食完藥無幾耐就退左燒, 不過藥力過左佢又燒返…

12月19日
小豆都仲未退燒,最後豆媽都係請豆婆同小豆去仁安睇溫醫生… 無錯!小豆應該係有“依戀出生地”症, 佢已經係第四次係自己既出生日去睇醫生啦~! 去到仁安, 姑娘度到小豆有102度燒… 溫醫生話佢應該係出玫瑰疹,應該發三至五日燒就會退,之後會出疹,出完疹就會好… 不過佢可能都會有d感冒既徵兆,所以都開定d感冒藥俾小豆….

12月20日
因病既關係,小豆今日既節目全部cancel… 為左照顧小豆, 豆媽就破例俾小豆係豆媽房瞓… 小豆晚上發燒都燒得幾厲害,成晚45mins – 1hr就會大喊大叫一次…豆媽就成晚又餵水又用濕手巾幫佢降溫…

12月21日
今日就照常去左豆婆屋企做冬… 小豆可能成日都未便便,所以唔係好願食野… 之後,豆婆叫豆媽俾d蕉佢食,佢食左幾口就要上廁所啦… 可能係病, 所以都係痾d水狀既便便… 到小豆痾完之後,豆爸就幫小豆清潔pat pat… 豆媽左嚇豆爸就裝作小豆要向豆爸發射便便炮彈… 豆媽只做了一下,小豆已經學曉… 佢自己再向豆爸扮要發便便炮彈… 超好笑… 不過開心既時間真係好短, 因為小豆係大意既豆爸看守不力之下被豆媽夾到小手指… 用左好耐時先平伏到小豆… 之後豆媽本想帶小豆去公園散心,不過小豆都係唔敢… 連佢平時最愛既滑梯都唔玩… 上番豆婆,好不容易才肯入睡… 不過,同小豆沖涼時,見到佢個身有d一點點既紅色….應該會好快好啦….



12月22日
小豆今日出疹既程度厲害左… 可能佢唔你好舒服,所以成日都好大脾氣… 瞓覺時仲成日喊… 比起之前果晚仲喊得多左… =.=

肥舅父畢業影相遊

今日下午因為肥舅父畢業既關係,豆爸豆媽同小豆去左佐敦一酒店同肥舅父影相... 這次已經係小豆第三次參加人家的畢業禮了... 不過, 今次因為佢瞓過頭,所以去到已經係影相既時間啦!!!

佢初時個樣都好嚴肅,但好快已經warm up左,仲滿場飛~

小心騙徒

近年有一個bb仔活躍於沙田一帶行騙... 受害者都係被騙徒用雙眼迷惑... 再加上騙徒甜美既笑容,受害者都忍唔住向騙徒提供折扣或送上禮物... 騙徒得到既利益如下:

2008年12月13日 提子乾一包
2008年12月5日 糖一粒,朱古力一粒
2008年12月3日 以友情價$4買左一包五花茶
2008年11月中 朱古力一粒
2008年7月中 多次在一田一有機菜檔攞著數, 包括:紅蘿蔔一個,sweet potato 一個及$1 discount
2008年6月中 McDonald姐姐為左同佢影張相就送左個公仔俾佢

不過,個騙徒咁sweet... 俾佢呃多幾次都抵啦... hohoooo

度高磅重

早兩個星期開始已經發現小豆學識左羊叫"度高"… 每次我同佢講:小豆過黎度高! 佢就會行去把尺到比我地度….

不過,小豆真係高得好慢,現在才有75.5cm…

而今日佢又無啦啦去攞左個磅出黎… 平時佢通常都出唔到個磅數(因為太輕)… 但係今日佢既然出到… 今日小豆有24.2磅(即11kg)^^ 小豆見到個磅上面有顯示都不知幾開心哩!!

我在Playgroup的日子

一路都想同小豆上playgroup… 其實10月初同佢去過一次, 不過可能佢果時太細(或者係佢班同學太大個), 所以就打消左個念頭…

今日又再同佢去左TST試堂… 不過今次果堂同上次好唔同, 上次都係唱遊為主, 今次就係學野為主…

一入去, 老師就教左佢 Friday / Saturday / Sunday / 2008 December 6 / Windy Day / Cloudy Day / Rainy Day / Sunny Day…唱左隻歌仔之後就比左一個紅色正方形, 藍色心形同黃色心形佢睇… 睇完就叫佢搵番一樣shape既積木出黎match… 之後再教佢有關”Landscape”既字, 有Ocean / Lake / River / Cliff / Mountain / Desert etc… 之後又唱左隻歌仔… 就教佢有關”R”既字,如 Red / Robot / Rubbish bin / Radio / Roses / Raccoon… (實不相瞞, 豆媽係第一次學Raccoon呢個字…)… 學完字之後,老師就一人比左一張有rose圖案既紙佢地上顏色…上完顏色之後就叫d小朋友抺手仔, 再俾水同餅餅佢食… 俾小豆既時候俾教佢要講“yes, please”…　走之前同d小朋友唱埋 “good bye song” 同俾sticker小朋友就落堂… 完堂之後, 小豆仲留係學校玩左一陣先走…

其實豆媽都有少少concern個課堂好似太深, 不過豆爸就覺得小豆係時侯要學下野… (可能係上個星期既interview發現小豆識既野實在太少啦…)　希望佢下個星期會好d啦…

Nursery 面試記 - Take 2 @ Hong Kong Preschool (Ascot)

今日係小豆去interview心儀nursery既大日子…

豆婆早上已經好好咁安排小豆係11點幾小睡片刻, 等小豆唔好係interview時要瞓覺… 誰知,小豆瞓左成個幾鐘都未醒!! 好在, 最後佢都趕得切食埋餐午飯先去2pm既interview…

不過, 因為時間都幾緊迫, 去到warm up左無幾耐就要interview啦… 問題同上一次大同小異, 不過今次係問豆媽先…. 而小豆亦好似上次咁,完全唔識答… 但係今次應該無上次咁好彩啦… 睇黎,小豆都係無緣入呢間幼兒園lu…

老師話要等到一月二日前先有通知… 不過睇黎豆媽都係做好準備送小豆去嘉德麗算吧啦…

食奶奶

自從小豆識講奶奶之後, 豆媽每晚都會問小豆: 你食奶奶未呀? 小豆通常都會跟住講: 奶奶…豆媽跟住就會同小豆講:我地去攞紗巾啦…攞一條好啦!... 小豆就會去攞紗巾, 當然大部份時間都會係攞左好多條… 然後豆媽就會同小豆講: 去話俾婆婆知係攞左紗巾啦^^ 小豆就會行去婆婆到之後再折返豆媽房食奶奶同睇廸廸尼…

小朋友真係大得又怏學野又快!!

好充實既週未

剛過去既週未真係忙到傻左…

星期六係陳小欣同學既結婚大日子… 雖然豆媽唔係姊妹團之一,不過都有去送呢位好姊妹出門… 一心想可能會遲到, 誰知除左阿琪外其他豆媽認識既姊妹都未到… 但係估都估唔到新郎哥比豆媽d姊妹仲遲!!! 新郎哥,你既”賴皮”野將會係所有姊妹親友口中留名百世~~

午飯後, 豆媽就返左屋企接小豆… 因為搵左Pion遲d幫dada結婚當日既姊妹化妝,佢想搵豆媽之前去俾佢practice下… 所以就約左佢5點幾試妝,順便扮埋靚靚去晚上既喜宴… 小豆成晚既表現都尚可啦… 不過上完翅之後就唔肯坐要落地玩… 最終因為翌日上午仲要去豆媽個graduation, 所以十點半到就走lu…









星期日係豆媽既graduation… 根據信上既時間, 豆媽一家係10點就到左啦… 以為我地好早, 誰知接受8成人都已經到左啦! 俾起上次去豆爸既graduation, 小豆今次真係唔合格… 入場不久佢已經喊(後來豆太麻話佢見到個女仔以為係我,所以要去搵我)… 個ceremony係大約1個鐘已經完左… 豆爸今次好罕有地安排左豆婆同豆太麻上左去line up影相到等豆媽… 所以我地好快就影左大合照啦! 同豆媽d同學仔傾左幾句就離開了… 小豆亦因為玩行樓梯遊戲玩到攰, 係車到瞓左… 之後我地就去左豆婆屋企食飯… 因為豆姑婆返左香港, 所以食到成11點幾先返屋企…

一個好充實但係好攰既weekend!!

廸廸尼你係得既!

廸廸尼既教材真係有d料到既… 小豆早兩日無啦啦自己係到自轉… 琴晚同佢沖涼既時候, 同佢講clap your hand 佢又做…同佢講put your hand up, 佢又做…同佢講bend down, 佢又做…廸廸尼你係得既!

今日磅數: 10.27kg (即22.6磅)

超出乎你想像

小朋友既學習能力真係超出你既想像…. 話說:

豆婆屋企大一個入牆既焗爐… 小豆好鍾意去按焗爐d掣…. 亦因為佢成日亂按,令焗爐成日都會嚮…

今晚豆舅父想整番好個焗爐… 不過按來按去都整唔到… 佢唯有攞左本說明書出黎睇啦… 誰知小豆竟然好似好知道點整咁, 指下本書又指下個焗爐d掣, 要教豆舅父… 真係俾佢笑死!!!

所以, 小朋友真係要好好教導… 睇黎由今日開始要努力咁train自己d語行先得…

Nursery 面試記 - Take 1 @ Cateline

今日同小豆去左一城既嘉德麗interview…

第一次去interview, 豆媽真係有d緊張… 去到因為要等,小豆就走左去玩煮飯仔… 無錯,的確係煮飯仔… 佢對d車仔完全無興趣,淨係要玩煮飯仔,真係… 唉…

玩左一陣,老師就叫小豆去interview啦…老師首先俾左兩個積木叫小豆放好… 當然, 只係剛滿一歲既小豆係完全唔識啦… 之後,老師又俾左兩件lego叫小豆俾我… 但係小豆就掛住睇身後既哥哥,完全無理老師…老師之後又問佢知唔知鼻係邊… 豆媽聽到真係嚇一跳, 心想: 老師, 原來一歲既小朋友已經要識鼻係羊架啦…. @@ 之後老師就問左一d有關小豆既生活習慣… 又問我知唔知佢地既教學方法… 好彩,豆媽都有做過下research啦… 到最後, 小豆連bye bye都唔肯就走左啦…

唉… 睇黎,今次都係攞經驗多… 真係要報多幾間睇下有冇人收…

Interview完後, 小豆就去左參加Issac 小弟弟係金鐘McDonald既birthday party… Jenny媽媽真係好厲害, 成8-9個月大啦個肚,都仲可以同Issac仔攪個咁大型既birthday party… 豆媽真係比不及呢….

小豆生日快樂!

轉眼間小豆已經一歲啦!! 豆媽媽亦專登為小豆設計左一個生日澳門遊(因為小朋友一歲前坐船係唔洗錢既)...

9月18日豆媽同豆婆帶住小豆坐火車同轉港鐵去上環中港碼頭等豆爸爸放工... 一貫豆爸既作風,我地等左好耐先見到豆爸既出現... 不過總算我地都可以上早一班船... 上到船小豆好快就瞓左覺啦!

原來都要坐成個鐘先去到澳門架... 落左船, 我地就上左威尼斯人架車啦… 原來威尼斯人都離澳門市幾遠架… 到步後, 豆爸豆媽帶住小豆check in… 因為之前豆媽係一個bk到見到有d媽媽話可以request bb床, 所以豆媽就幫小豆request定張床仔等豆婆可以瞓得好d…

一開房門就覺得雖然房租唔平,不過真係物有所值!梗係個洗手間已經可以瞓多2-3個人啦!! 即使有兩張大床,但係一d細既感覺都無… 再加上個大廳, 真係好舒服… 不過窗外既風景就真係一般啦… 餵完小豆食奶後,我地就去左大三巴那邊食雲吞面再去牌方影相… 因為食雲吞面時已經4-5點,所以大家到晚飯時間都仲好飽... 唯有去就近既新八百伴shopping… 由小豆出世以來, 大家去行街時第一個地方總是去童裝部… 小豆婆係那邊睇中左對鞋仔俾小豆, 最後就買左俾小豆做佢既生日禮物… 大概8點多,我地就去左間叫”莎利文”既餐廳食萄餐… 雖然豆媽唔係一個鍾意食野既人, 不過間餐廳d野真係好好食!!

因為豆婆要追,電視,所以我地好早就返左酒店… 豆媽幫小豆沖完涼食埋奶奶後,就同豆爸走左去Casio…豆媽係一個不愛gambling 既人,加上場內有好多國內同志食大陸煙,所以對這個地方的感覺係好差… 被豆爸強迫留左個幾鐘後先可以返房瞓 (真難頂!)

翌日早上(其實都成11點幾),我地去左那個所謂媽祖文化村… 個的士司機好不願意咁車左我地上山… 我地就以箭步既形式去上左香,之後就去左氹仔食lunch… 今既既午餐的確一般, 因為我地入左一間可以smoking既café到食豬仔飽… d豬仔飽又唔好食… 又有人食煙…. >.< 之後我地就係就近既餅店買左d手信… 之後就返左酒店樓下既shopping mall到行街… 因為離晚飯既時間仲有好遠,而我地都已經無地方去,最後決定提早返香港先食晚飯… 小豆係未上船之前已經瞓左啦, 一直瞓到落船先醒^^ 最後我地去左元氣食sushi, 再係沙田買cake同小豆返屋企進行佢第一個既切蛋糕儀式!! 雖然成個過程都係得豆媽,豆爸同豆婆陪住小豆,但係我相信對於一個1歲既小朋友黎講已經很好吧!

小豆, 祝你生日快樂, 身體健康, 永遠幸福啦!

我的生日快樂

暑假到… 又係我公司最忙既時候… 親友們,請不要再同我講:”你就好啦,有暑假放!”… 我係無暑假放架! 我d學生放暑假,但係我地又要忙新一輪收生… 所以係仲忙架!!

不過, 係忙碌既生活中… 我都去左三個好最要既約會:

1. 屯天二十周年校慶晚會
不經不覺我的母校已經有20年啦… 當年教我的老師大部份都仲係呢間學校,証明呢間學校真係幾好…. 不論老師或同學都咁鍾愛這個地方… 而我中學年代既好朋友到現在都係我最要好的朋友…

小豆上次有跟我去學校既開放日,今次當然唔少得佢啦!! 鮑sir同Ms潘還分別答應收佢做徒孫… 到時真係文又得數又得… hohoooo… 晚會期中一個環節係校服catwalk… 而家睇番,當年套校服其實都幾okay啦! 不過凡都係最鍾意一開始時的唱校歌環節, 令人好懷念! 同埋有d野真係一世都會記得….

好可惜小豆扭計,所以我9點多就要走lu…

2. 我的MacDonald生日派對+Discovery Channel開台典禮
欣欣姨姨一早就約左豆媽上星期五食飯,不過一路都無講地點,只係幾我係TST間MacDonald等… 到食飯當日, 欣欣姨姨叫左豆媽入TST間MacDonald等… 因為小豆夠鐘食飯,所以豆媽就係間麥記下層等… 第一個見到既係wing姨姨, 佢一見到我地就問點解唔上去餵…豆媽好自然咁答佢:阿欣佢地話係到等… 不過, 到阿琪姨姨到時, 豆媽就知今晚係係麥記食啦…

呢個係豆媽咁大個人第一次係麥記開生日會… 一班人圍埋都幾開心… 麥記d姐姐好努力咁serve我地, 不過, 小豆都係比較鍾意睇Uncle Stanley既discovery channel lor…

真係好多謝各方好友既祝賀~~ 有你們真好!

3. 與小巨人Issac聚餐
約左好一段時間, 終於都約到小巨人Issac食飯… 小巨人Issac真係好大隻, 不過最厲害都係Jenny媽媽, 腹大便便都可以抱住Issac…

兩個小朋友相處得都okay… 小豆食飯時都好乖啦…. 不過最大既發現係 – 原來IKEA果張bb椅幾好…. 小豆都坐到… 以後出街食飯可以方便好多啦!!

小豆下水禮

因為端午節既關係,令今個weekend多左一日可以陪小豆玩...

星期六因為黑雨既關係,豆媽決定車豆婆返屯門, 順便等小豆可以同豆太麻玩下… 小豆當然好開心啦!


星期日係端午節正日… 見星期六落雨落到咁勁,一心以為唔可以帶小豆游龍舟水… 誰知,星期日反而okay好天… 所以豆媽同豆爸就以九鈔九既速度去買水泡俾小豆,然後就飛左去豆婆個swimming pool到行下水禮… 佢起初都有d驚, 不過好快就玩得好開心… 果然係一個天不怕地不怕既小朋友!! 好期待下一次同佢去沙灘暢泳~~

今日同小豆去左睇豆媽兒時既偶像 – 家駒,既展覽… 其實都知多人去,不過無想過要等成一個半鐘先入到去… 今日既天氣仲好鬼死熱!! 好彩小豆好體貼,陪左我排一俾佢就瞓左(可能係熱暈左…)… 仲瞓到過晒鐘食奶… 所以豆媽就可以係一個完全不受騷擾既情況下去回憶一下呢位音樂天使…

生活點滴

不經不覺又已經有成兩個月無update個blog啦…

過去果兩個月的確是令豆媽忙到一頭煙… 首先係搬家… 因為舊居要在5月1日前交吉, 所以豆媽在4月尾就請左一個星期既假搬家… 其實個成交期是很長,無耐新居裝修需時,所以都係到最後一刻先搬… 4月26日要搬,但係我地就24號晚先開始pack 野… 拾到搬家那天要d搬運師傅幫忙拾野… 哈哈!

完成左搬家呢個project後, 豆媽就開始另外一個project… 就係完成埋我最後一科啦! (亦是最忙的一科… )… 如果唔係小豆, 豆媽本應已經完成個課程, 但係因為小豆既來臨, 所以defer左一科… 相隔左幾個月, 差別待點忘了點讀書… 幸好完course之後一日係public holiday, 所以雖然辛苦, 但還可以啦! 剛過去的星期六完成了考試, 今個星期再完成埋個project就真真正正完結啦!

完course當日亦正是我人生第一次過母親節… 當晚去左屯門同家人一齊過… 小豆當然繼續係大家既focus啦! 而佢又好醒目咁係大家要食飯既時候小睡片刻, 大家都覺得佢係一個好體貼既小孩… 哈哈…

小豆既契媽亦係5月返左黎, 佢仲同契爺上左黎屋企探小豆…契爺送左一份好適合小豆玩既玩具俾佢! 不過,可能契爺太想見小豆, 令佢係途中趺左身份證等證件都唔知…最後契爺都係搵唔番d証件,令到豆媽有d過意唔去… 而當晚, 我地小豆家族同契媽及其他姨姨去左食飯… 不過今次小豆就成晚都唔肯瞓, 所以d姨姨就輪住同佢玩啦…

預防針記(五)

原來有成個月無幫小豆update blog 啦….

今日又係小豆去打針既大日子… 豆媽同豆爸今次同小豆坐小巴去,所以預早左出門口… 去到醫院, 見到個個都帶口罩, 心想:死啦!咁多人病,會唔會傳染小豆架? 後來先發現係醫院怕有流感,所以要人人帶口罩…

由於豆婆之前果晚提豆媽寫左一堆問題問醫生, 所以豆媽一見到醫生就不斷問問題… 小豆一齊都正常, 高度係中size bb, 體重比中size bb輕少少, 頭就係大size bb… 之後姑娘幫小豆打針, 佢係想喊左一聲, 不過我地引開左佢既注意後佢就唔記得左喊lu…

回顧過去一個月,小豆變左一個街童, 成日都去街玩… 去過探番薯小弟弟啦, 去過青衣同九龍灣睇車車, 去過婆婆同姑婆屋企, 去過尖沙咀旺角行街街, 同經常係沙田市中心一帶出沒… 其中有一次婆婆同佢去左麥當當食奶, 佢仲呃左麥當當一個靚姐姐送左個公仔俾佢添… hhaaa…

而小豆近一個月變得越來越活潑… 一放佢落床,佢就好似金霸王兔仔咁反身… 仲成日都提起個pat pat, 想學爬, 但係因為未成功, 所以會發脾氣喊… 不過佢就未算坐得好好, 都仲要practice多d…

食野方面, 佢已經成功轉食2餐米糊… 不過lunch果餐都仲係要加奶… dinner就可以唔洗加奶… 我們試過加魚魚,南瓜,蕉,西蘭花,萍果… 佢最鍾意係南瓜蓉… 而奶奶就加到8安啦!


慶祝太麻麻生日~!


去完探番薯小弟弟, 好開心!


返到屋企仲有跳跳虎玩,真好!














今日磅數: 7.6kg (即16.76磅)… 輕左,可能係之前冬天著多衫,而家少左衫,所以輕左…

厭奶期

小豆新年開始每日都食一次米糊... 佢真係一個好貪吃既小寶,佢每一次都食到唔夠跟手就喊...

上個星期開始,我地嘗試係米糊到加南瓜蓉...佢簡直鍾意到停唔到口!! 不過,可能亦都係因為咁,怇開始唔係好肯食奶奶... 人地話呢d叫厭奶期,唔知小豆幾時先會過渡到呢?

遊醫院記

因為婆婆要返碧桂圜既關係,所以豆媽今明兩日都請左半日假睇小豆...

可能係呢兩日天氣轉冷,小豆既流鼻涕同鼻塞既情況又嚴重左... 同豆婆傾過之後,都係決定帶小豆去睇醫生... 今日係我第一次同小豆單獨出街... 去程因為趕時間,所以都係打的去醫院...

去到醫院,因為醫生有急診,所以等左一陣先有得睇... 醫生睇完小豆都係話佢有少少傷風,唔算好serious... 睇完醫生後,因為之前等候既時候太長,所以豆媽要去toilet... 豆媽硬住頭皮請姑娘抱住小豆一陣,豆媽就以九鈔九既時間去toilet... 小豆果然係天生social王,我遠處已經見到成班姑娘圍住佢玩啦! 佢仲鬼咁開心咁踢下踢下隻腳仔~

回程時我同小豆坐仁安車去大圍再轉火車去沙田... 之後去左supermarket買d野先返屋企... 成個trip都算smooth啦... 哈哈!

今日磅數: 7.8kg (17.2磅)

夜啼

雖然小豆平時都間中會半夜醒,不過通常都係一次同埋一俾奶咀佢都會即刻瞓番… 不過由上星期中開始就有d反常, 成日半夜3-4點喊每隔個幾鐘喊一次，有兩三次仲喊到要抱上手先收聲… 又遇著我呢幾日胃病復發，所以個人好攰… 佢日間又無玩到好激… 又唔係成日瞓… 又唔係病... 所以都唔明… 有媽媽同事話佢的小寶(比小豆大十日)之前都有一樣的情況，不過都只係2-3日就無啦… 希望小豆都可以快d瞓好d啦…

我已經五個月大啦!

小豆終於都五個月大啦! 係時候update一下佢最新既情況…

今年係小豆第一個農曆年,佢係農曆年期間不斷四周圍去拜年… 所到之處包括婆婆屋企、太婆屋企、舅婆屋企、兩位姑婆屋企、花花姨姨屋企仲有黃金海岸酒店中菜廳同去左西田行公司… 因為之前好少出街,而新年一出就出左四日… 小豆係年初四時就病左啦… 不過都係少少傷風啦… 食左幾次收鼻水藥之後又食左幾日保嬰丹但係情況都無羊特別好轉直到早幾日天氣回暖後就好似突然好番晒~!


新年原來有利是收... 好開心!


同太麻傾計仲開心!


祝大家新春愉快! 心想事成! 同鍚晒我~!








不過,小豆最終都係去左睇醫生… 因為佢上星期日開始有肚疴... 可能係因為我星期六俾左d未完全解凍既蘋果佢食,所以食壞左佢… 本來佢到星期一已經好好多, 不過豆婆都係覺佢好似成日都好攰, 所以今日都係決定帶佢去睇醫生… (又係生日去睇醫生)

根據豆婆憶述小豆去到仁安時異常興奮,仲同姑娘玩… 當醫生除片check up時,佢仲開心到腳踼踼, 真係俾佢激死… 醫生話佢一切正常,可能係成日食手仔所以有少少腸胃炎… 而豆婆回程時就同小豆坐小巴同火車返屋企… 小豆返到屋企仲心情大靚! 睇黎都要多d同佢去下街街啦!

今日磅數: 7.5kg (16.5磅)… 可能因為小豆疴左幾日,所以磅數都無羊大變

十萬個為什麼?

1. 為什麼男人總是不守信用?
2. 為什麼一個已婚的男人要三番四次瞞著他的另一半與一位共事只有一年多的女同事結伴外出?
3. 為什麼那位已婚的男人總愛說他把女伴們都當作是男性或當是他的姐姐妹妹?
4. 為什麼當那位共事只有一年多的女同事打電話要求那位已婚的男人去幫她已年屆18歲的弟弟選購電腦時,那位已婚的男人可立即將身邊的朋友丟下,然後去陪伴人家選購電腦... 接著還要幫人家將電腦送到人家家中安裝並與人家一家老細吃晚餐?
5. 為什麼那位已婚的男人會帶那位共事只有一年多的女同事與他碩士課程的同學吃飯? (可憐的另一半從來都不獲邀請... 而那位可憐的另一半都是從一個電郵中見到那位女同事再次被邀請到同學們的聚會時才發現)
6. 為什麼那位已婚的男人要帶那位共事只有一年多的女同事跟他遠度回港的父母共進午餐?
7. 為什麼那位已婚的男人要帶那位共事只有一年多的女同事跟他的妹妹,妹夫及他多年沒有見面的朋友共進晚餐?(可憐的另一半一直被蒙在鼓裡,直至在其他人的網頁發現照片才得知)
8. 為什麼那位已婚的男人三番四次答應他那可憐的另一半他會跟女性朋友保持距離又卻三番四次說他把女伴們都當成是男性或姐姐妹妹?9. 為什麼那位女同事明知那位已既已婚的男人仍然要單獨跟那位已婚的男人參加他的朋友及家庭聚會呢?
10. 為什麼那位已婚的男人既然喜歡與他的女性朋/女同事瞹眛... 帶他的女性朋友/女同事去參加他的朋友及家庭聚會... 那為什麼那位已婚的男人還要死懶著不走?
11. 多年來的問題至今仍未解決,可以點呢?

預防針記(四) - 後記

打左咁多次針,小豆都未試過發燒... 本來以為佢今次都唔會... 誰知,到昨晚11點多佢就發起燒來... 好彩都係少少燒... 38.5度以下... d藥應該都係甜既,所以都okay,唔算太難餵... 食完藥後,佢半夜都退左燒啦!

預防針記(四)

今日又係去仁安醫院body check加打針既大日子啦! 因為book左11am,所以昨晚就同小豆講:你最好瞓到8點先起身,咁就唔會睇睇下醫生要食奶奶... 豆婆仲話無可能,誰知奇蹟真係發生左,小豆今朝成8點先醒... 仲要係高糕家姐入房時整醒左豆媽再由豆媽整醒小豆!

去到醫院,四個字"人山人海"... 仲要全都是小朋友! 我想仁安一定係將兒科既時間同其他專科既醫生分開,所以成個專科診所都只得小朋友...

原來由姑娘度高同係屋企度會差好遠架... 由姑娘度,小豆只有62.5cm,剛剛touch到中等高度既area啦... 而體重就有7.3kg(16磅啦!) 小豆今日既表現都幾好! 入到去見醫生時,小豆起初都有喊... 不過當醫生俾左個玩具我俾小豆睇時,佢就收左聲啦... 到醫生反佢身時,佢仲鬼死咁開心添!

見完醫生之後,就等打針... 小豆等等下瞓著左! 到姑娘叫佢時,姑娘仲話佢:你都幾好野架wor,出面咁嘈你都瞓得咁冧... 我地叫醒左小豆,姑娘就叫我按好小豆的腿等佢打針... 說時遲那時快,姑娘已經打拮左小豆啦... 而小豆都係叫左一聲就被我們分散左注意無再喊啦... 連姑娘都話:你咁易tum既! 哈哈!

打好針之後,都差不多到小豆既食奶奶時候lu... 我同佢去換片,之後再餵埋佢先坐車返屋企... 返到屋企都係1點鐘左右...旅程順利!

預防針記(三)加四個月生日

今日又係小豆打針既日子... 不過,豆媽要返工,為免豆爸手忙腳亂,所以邀請左豆婆陪埋佢地兩仔爺去...

根據豆爸既描述,小豆今日打針好叻... 醫生哥哥將針拮左佢,佢係諗左一諗先喊左一聲... 哈哈,真好笑! 因為豆媽不能出席,所以一早已經將一連串問題交左俾豆婆問... 例如小豆臉上既奶癬啦... 醫生哥哥開左d藥膏俾小豆搽,希望佢快d好啦!

而今日亦係小豆4個月既生日... 豆太嫲話小豆4個月生日係要食魚,所以佢地剛才用少少魚touch左小豆個口一下... 小豆好似好鍾意咁,仲係笑住咁"lam lam"俐! 哈哈~ 小豆其實真係好為食架!

P.S. 因為豆爸無心肝而豆婆又無記性既關係... 今日記錄唔到小豆既確實磅數... 豆婆話nearly 16磅wor...

第一次用"咩"帶落街

係小豆好細既時候,試過一次在家用"咩"帶"咩"佢... 不過,佢就喊到死死下... 最後都係放棄左...

星期五去探花花時,佢教我打直佢"咩"... 所以我決定要試多次! 今次終於成功帶左小豆落樓行左10分鐘! 好野! 好快可以用"咩"帶同佢去街街~

第一次飲蘋果汁

上次飲完橙汁之後起痰,所以豆媽就無再俾我飲橙汁啦... 之後豆媽聽人講應該試蘋果汁,所以我今日就有得飲蘋果汁啦,哈哈！　我好鍾意飲,仲飲左成45ml呢~ 好味!

今日磅數 - 15.4磅

好耐無幫小豆磅重... 一磅之下,原來佢已經有15.4磅啦! 而佢既身高就有66cm lu~

我是一粒豆

大家好,我係小豆! 一粒人見人愛既朱古力豆... 哈哈哈~

第一個平安夜

今日小豆係屋企過左一個好平安既平安夜...

小豆今日已經有14.4磅啦~

第一次飲橙汁,第一次BBQ

今日因為小豆去唔到大大既關係,所以俾左d鮮橙汁佢飲... 因為bb唔可以飲咁甜既飲品,所以d鮮橙汁要用1:3既水開淡佢... 雖然對於我黎講d juice 係淡,不過小豆就好鍾意飲,都飲左成40ml架! 第一次,都算係咁啦~

而晚上又同小豆落左去BBQ,不過佢全程唔係瞓左就醒左喊... 但係今次都算係佢係室外最長時間既一次,有成3個鐘!!

有o羊咁好笑?

我已經3個月大啦!!

今日係小豆3個月既生日... 我專程去左婆婆到同佢慶祝... 希望小豆快高長大,健康開心!

小豆去左渡假

因為肥舅父去左外遊,所以婆婆要留係屋企陪太麻既關係... 小豆今個week都要去左婆婆到渡假(因為豆媽始終唔放心Citysuper自己睇小豆...)...

上星期五晚上就小豆去左婆婆到... 可能同上次入去既時間唔係相隔好耐,所以今次小豆入到婆婆到都無唔慣... 佢仲好攪笑咁一到婆婆屋企留下,明明佢都瞓左,但係都笑!! 上到樓,小豆既私人傾計師--太麻已經開始同佢傾計... 小豆傾到鬼死咁開心,仲成12點幾都唔肯瞓 @_@

星期六同日,我就同豆爸去左灣仔同旺角睇裝修新屋既材料... 原來真係有好多野要睇架!! 真係有排煩...

而婆婆屋企留下已經滿佈聖誕裝飾... 所以我就同小豆去左影第一張X'mas Photo...


雖然小豆去左婆婆到我會有覺好瞓,但係真係會好掛住佢... 而家要到星期三先再見到佢啦...

在職媽媽記

終於放完產期正式復工差不多兩星期啦... 係工作方面都無羊唔習慣,因為同事都跟得好好,無羊手尾要跟(令我覺得自己有d多餘既感覺)... 而且呢段時間又唔係好忙,所以工作方面都唔算好辛苦... 反而係湊小豆令我覺得好攰... 雖然小豆而家都可以晚上10-11點食完奶奶之後就朝早6-7點先再餵佢,不過中間佢都係會3-4點醒下,所以都係要起身安撫下佢先可以瞓...之後無耐就要起身餵佢,所以都幾辛苦...

係我返左工既時候,只好將小豆交給豆婆婆同Citysuper睇住小豆... 因為豆婆婆要睇住豆太麻,所以有時就只有Citysuper睇住小豆... 雖然Citysuper好好學,不過佢始終未可以人如其名... 所以我就成日都要用cam睇住小豆...

話說有一日只有Citysuper睇住小豆,我見小豆已經夠鐘食奶,Citysuper竟然要小豆瞓... 我忍唔住打俾佢叫佢餵小豆... 之後,我食完lunch再睇,又見佢要小豆瞓... 心想:佢應該剛剛餵左佢所以要佢瞓... 誰知豆婆婆去到屋企打俾我,我又順口問佢小豆點,佢竟然話小豆食緊奶... 我心裡一時晴天pig pig!! 原來佢剛才無餵佢... 可憐既小豆...果一刻真係想quit左份工係屋企湊小豆... 可惜經濟不許...

而小豆一日一日成大... 如蘇民峰所講,小豆親豆爸多d... 又話說昨晚豆爸開夜,佢打電話返屋企時我開speaker等佢同小豆講野... 點知小豆真係應佢,仲傾到鬼咁happy!! 小豆,平時係豆媽媽我餵你同你沖涼架>.<

小豆今日在家的情況:

今日磅數 - 14.2磅

今日抱住小豆既時候覺得小豆有d重既感覺... 一磅之下,原來小豆又重左啦... bb大得真係快! 我而家已經唔係好記得佢出世時係點lu...

第一次見到自己個樣

小豆運動時間

小豆最愛瞓係balcony玩... 仲玩到身水身汗~

預防針記(二)

為左慳番幾百蚊,小豆既肺鏈針同輪狀口服疫苗係分開係第二個醫生到打... 好好笑又係係積信街,唔通係珍禽異獸!!

去到醫生到,好好彩咁去到醫生門口就有個車位... 泊好車之後,我就同小豆入去見醫生... 姑娘幫小豆磅重,小豆已經有6kg啦~~ (一個星期重一磅,s26真係掂!) 等左一陣就入去見醫生啦... 一個幾年輕既醫生... 佢先餵小豆食輪狀口服疫苗,可能係年輕既關係佢好有心機咁餵小豆食藥... 好彩小豆平日有飲水,所以都唔係好難餵... 食完之後,醫生就叫我地出去等一等再同小豆打針... 係等候既時候,小豆竟然poo poo... 唯有同佢去車換片啦... 換好片之後就到小豆打針... 醫生叫我將小豆放係床等佢打針... 佢一邊問我小豆個中英文名點解... 小豆真係大個啦,今次打針叫得比上次大聲好多... 不過都係限於拮針果下,之後就無再喊啦....

下次再打針應該係下年一月lu...

小豆係婆婆隔離營住得好開心... 日日有太嫲同佢傾計仔=)

小豆病了!

因為病毒豆爸既關係,小豆同Citysuper姐姐都病左...

雖然今日係小豆2個月大既生日,不過因為佢實在太鼻塞,唯有同佢睇醫生... 本來諗住帶小豆去仁安睇溫醫生,不過溫醫生今日唔係到,所以搵左仁安另一個睇普通門診既陳醫生... 陳醫生見到小豆好surprise咁話:bb咁細,好少會有傷風感冒架wor... 屋企係米有人病左呢?... (唉...) 醫生開左d收鼻水藥同生理鹽水俾小豆,不過因為小豆細既關係如果唔係太辛苦,最好唔好食藥...

睇完醫生之後,都係決定要同小豆同高糕去"婆婆隔離營"以免小豆繼續交叉感染~

今日小豆已經有5.5kg (12.13磅),醫生話小豆都長得幾好係兩個月已經多左2kg啦~

預防針記(一)

小豆今日第一次打預防針... 因為怕佢要多打幾針同貪join仁安個package每次都有醫生follow,所以最終都寧願多花少少$$join仁安個package打針...

比起之前覆診,小豆百厭左好多... 去到醫院,姑娘幫小豆磅重同度長,之後叫我地幫小豆先換片... 誰知,小豆在換片時請豆爸飲荼將衫仔弄濕了... 好彩我早有準備,所以幫小豆換衫... 一邊等醫生時,小豆就係咁扭計... 終於見到醫生啦,佢話小豆而家屬於中size baby(心想:好彩,我仲怕小豆會oversize,因為佢食好多奶...)見完醫生之後,姑娘就幫小豆打針... 小豆好叻仔,只係叫左一聲就無喊啦! 整個過程,足足成2個幾鐘(不過都係等待既時候多...)

今日除左同小豆打針之外,仲去左幫小豆攞出世紙...小豆既中文名係"綮中",英文名係"Quentin"...

中文名按命理，此名主個性開朗堅強，帶點任性。「綮」是筋骨接合處，有掌握關鍵之意，讀音為「慶」; 或解細緻的絲織品，讀音則為「啟」。雖然我比較鍾意「慶」音既解釋,不過最終都係選讀「啟」,因為好聽d...

英文名meaning "fifth" in Latin. It was traditionally given to the fifth child. 雖然小豆唔係我既fifth child,不過佢係家中第五位成員... 咁解都幾好啦!

今日磅數 - 10.2磅

小豆出世快一個月啦... 佢比出世時重左成3磅啦!

再覆診

因上次小豆仲有黃疸,所以今日小豆又要去覆診... 今日小豆有8.9磅啦!!

今日度既時候都仲有少少黃疸,不過度數已回落... 所以醫生話唔洗再覆診啦... hhaa

中秋節特備節目之返醫院覆診記

因為出院時仲係有d黃疸... 所以醫生要小豆今日返去覆診...

去到醫院姑娘就幫小豆磅重... 已經有3.52kg (7.74磅)啦! 只係短短1星期,小豆又重左0.5磅啦... 醫生用個測量計幫小豆test,誰知還比出院時的度數高... 有成190度!! 不過醫生話都好大可能係生理黃疸,問題不大... 只不過都係要再覆診... 是次診金$350... 下次又要睇加理要成$700+... 睇黎都係幫小豆買份醫療保好d啦!!

其實我係勁攰...因為琴晚成晚谷奶再加上小豆扭計,所以真係好辛苦... 琴晚試用奶泵,但係泵黎泵去都泵唔到,以為個奶泵壞左... 今日專登攞埋個奶泵去婦產科問姑娘... 誰知姑娘話我谷得太實,要massage下先可以泵到... 不過,最好當然係叫小豆食我d奶奶就一天都光晒啦!!

因為屋企要補牆同小豆要返婆婆屋企食月餅既關係,所以我地帶左一大堆野去婆婆屋企... d野真係多到好嚇人,無人諗到一粒小豆去婆婆到住4-5日會有咁多野!!小豆好似天生唔怕嘈,d親戚係外面打麻雀佢都可以瞓到無反應... 好得呀!!

中秋節翌日(即係今日啦),一班姨姨們(包括小欣,小琪,大細dee,管家敬華同Rita)就黎探小豆... 還怕小豆會瞓左唔同人玩,誰知班姨姨係到咁耐,小豆玩足咁耐!! (佢真係一個好鍾意同人傾計...)

媽媽給小豆的留言: 小豆豆... 點解你食奶奶食咁耐同食得咁密... 又成日食一半就瞓... 你幾時先可以乖乖地食奶同唔好食咁密呢? 同埋小豆,如果你唔想病,你就合作食多d媽咪奶啦!! 你好我好大家啦~

小豆的降臨 - 7.27磅~

咸豆終於出左世啦! 比起預產期足足早左成10日... 最終都係走唔出做處女bb既命運...

昨晚3時多個肚開始唔舒服,個子宮好似成晚都好實咁... 瞓黎瞓去都瞓唔到米起身去個洗手間,點知見紅wor... 因為之前係討論區同同事口中得知見紅都會有排先生得,所以話左俾豆爸聽之後,我就開始收拾入院既東西...

好不容易才等到10點診所開門,打去諗住book余醫生睇... 點知姑娘竟然話醫生full左,叫我睇佢partner!!! 我同姑娘講我好近預產期,唔想睇第二個醫生... 姑娘就同我講無法,係余醫生話唔可以再book... 咁我米話諗下再book... 收線後我就call余醫生既call機,好快有個姑娘打俾我... 都係叫我book佢partner睇住先,咁我米唯有打去診所book lor... 誰知佢個partner都要成4點先有得睇... 係無其他方法之下都只可以等...

book完醫生後,個肚又好似想去大大咁,不過大大就無啦,反而見到d白白地色又有d白色點點既水係廁所... 心想應該唔係穿羊水gwa,可能係呀city super洗完衫d水倒左去廁所... 而且穿羊水唔係會係咁流架羊,會停就應該唔係啦... 不過我都係打左俾Elaine問,因為佢上次係穿水先既... 一問之下,原來穿水係會停架,所以佢suggest我最好快d入醫院... 係我仲係有d不知所措既時候,醫生就call我... 我同佢講有陣痛同見紅唔知有無穿水... 佢問完我叫羊名之後就話記得我同叫我立即入院... 收左線之後,我就call左婆婆...

等到1點婆婆終於到啦! 去醫院姑娘就幫我辦入院手續啦,姑娘check既時候仲話我未穿水... 係大堂等左一陣姑娘就安排左我入候產室等生... 入到候產室無耐已經有一個大肚婆俾人推左去生lu... 而我子宮收縮既情況亦都越來越密... 2點幾姑娘幫我check既時候問我:痛唔痛呀? 我答佢:好痛呀! 佢就同我講:而家都係小痛jer... X_X 我聽到後心想:唔係呀麻... 之後余醫生黎睇我,佢問我有冇穿羊水... 我答佢剛才姑娘check話冇...不過,醫生一check之下就話已經穿左lar... 佢仲同叫我休息下,應該今晚或明早才生得架啦...

等待總是"慢"長的... 到下午3.30左右姑娘check都話只開了3度,但係我已經痛到死啦... 姑娘俾左d happy gas我吸,話可以止痛... 另外兩張床的太太都開始轉軚,紛紛向姑娘提出要開刀生既要求... 不過今既operation room實在太full,所以佢地都只可以安排到5點同5點半既時間... 聽到佢地一個個give up,我宦忍唔住想give up... 大概4.30左右,我已經痛到d眼淚係咁流左出黎,我不斷向豆爸表示好痛,但一向堅持要我順產既豆爸當然無向我offer開刀既提議,佢只係叫左姑娘黎睇我... 姑娘一check,就話我已經開到5度啦... 佢提議我打止痛針加happy gas,咁可以幫我relax d,子宮都可以開快d... 既然已經開到一半,都只可以繼續啦... 打完針再加happy gas,我好快已經進入左昏迷既狀態... 不過,原來昏迷左既人真係會聽到人講野架... 我feel到自己隻手好自動會控制吸happy gas既mask,但係其他野就一d feeling都無... 好似無幾耐之後(但係都成6點幾),我聽到姑娘叫我起身出力生,佢仲同手幫我開子宮... 那種痛簡直係難以形容!!! 用刀push左幾下之後,我就俾人推左入產房... 入到去之後,姑娘都係叫我用力push,因為咸豆就要出黎啦... 都等左好一陣余醫生先到,而佢到左之後見我push左幾下都未生到,佢就suggest用吸管幫一幫我... 果然用左吸管之後,咸豆好快就出左黎啦!!! 醫生將血淋淋既bb放左係我既身上... 佢問左豆爸要唔要剪臍帶,我答佢唔好啦(心想:都係醫生快快手好過啦!)... 姑娘抱左咸豆去清理既時候,好快就聽到咸豆既喊聲... 雖然只係幾聲,不過都好嚮! 姑娘將清潔好既咸豆交酊我手上,豆爸就幫咸豆take photo(不過,豆爸係無影我lor!!!而佢亦無叫姑娘幫我地影... 所以那張好珍貴既產房相就只有咸豆一個人lu...)



我覺得我今次真係無選錯醫生... 余醫生一路幫我縫針,一面同我傾計,因為佢想分散我既注意力... 講真,縫針時已經唔覺痛啦,因為生既時候實在太痛啦,痛到連醫生剪會陰時我都唔知@_@ 接近8點鐘我就被送上病房啦! 雖然痛左咁耐,不過都唔係好攰... 而我都好好彩,因為間房今晚得我一個人獨佔,所以今晚可以靜靜地休息下lar~

政府醫院一遊(take N)加"最後10日倒數"

已經唔記得係第幾次去政府醫院check up,不過見而家放假無野做,米去下law...

今日既appointment係3.45pm,所以下午先去尖沙咀同豆爸同佢既同事食lunch... 之後再去Glycel買野,同果樹的sales姐姐傾左幾句就向威記出發... 到左大圍站見都仲係有早,所以出閘買中秋金多寶(咸豆,記得bring d luck俾豆爸同我,你先有好日子過呢~~)

去到威記,都係做d standard check up... 而姑娘都係話咸豆同上星期差不多... 而下次再去check up就係中秋節lu....

今日磅數: 54kg (119.05磅)...同星期五係余醫生到磅一樣...

我仲係7.12磅! - 38週

今日又係見余醫生既大日子... 咸豆既體重終於都stable啦, 同上星期一樣係7.12磅... 不過,咸豆除左係體重無進展外,就連位置都無進展... 醫生叫我要行多d,等咸豆快d可以落盆骨... 佢話呢個星期都未生得...

而上次既陰道測試已經有結果啦... 唉... check到有乙型鏈球菌,而家要食抗生素... 都好既,發現都算早,可以食藥同生產既時候可以打針減低咸豆感染既風險... 係網上睇過一d報導,如果bb感染到會好麻煩... 雖然係有菌,不過醫生話都唔會因此而要開刀,因為打左針問題就可以解決啦... 以咸豆今個星期既體重,佢都仲係適合自然生產o既... 不過,如果佢下星期又失控,咁就好難講啦...

今日磅數: 54kg (119.05磅)... 比起一星期前,重左0.1kg...今次係我重左,唔關佢事...

我有7.12磅啦! (完全失控啦 !) - 37週

余醫生終於放完假返黎... 今朝媽咪同我去覆診... 余醫生見到我第一個反應係"嘩!個肚大左好多喎!" 可能係媽咪在場,所以今日余醫生解釋得特別詳細...咸豆今日重左成0.64磅,已經過左7磅既大關啦!! 不過,佢而家仲係好高,如果唔係穿水,應該唔會下星期出黎... 佢又幫我check左陰道,話子宮都okay軟不過盆骨唔算大... 以佢估計,4成會自己生唔到要開刀... 但係我個胎盤仲好新鮮,咸豆仲可以食得好好,所以會繼續強勢増磅 @_@ 所以下個星期分分鐘會係4成可以自己生6成要開刀!!

媽咪可能好耐見過超聲波,佢覺得超聲波好清...見到咸豆個頭好大對眼仔又好大... hhaaa~~ 又話余醫生有d似"爸爸閉翳"既王喜... hohooo

今日磅數: 53.9kg (118.82磅)... 比起一星期前,重左0.2kg...咸豆係繼續食緊我...

我有6.48磅啦! (弊家伙啦 !) - 36週

上回講到姑娘怕咸豆過輕,所以安排左琴日去左威記照下佢... 最終結果係size okay... 不過姑娘無講羊叫岩size lor...

今日又去左見葉醫生,因為上次余醫生怕咸豆重得太快,所以要定期check住... 雖然間診所無羊人,但係都等左成40分鐘(早知唔洗飛的去啦!!)葉醫生幫咸豆量頭圍同肚圍... 唔知係佢攞得闊定係咸豆重得太快...咸豆係呢兩個星期竟然重左接近成1.5磅 @_@... 醫生都話佢重左少少... 以我既身高,咸豆最多只可以7.72磅,如果唔係我就可能要開刀啦!!!

今日磅數: 53.7kg (118.39磅)... 比起兩星期前,重左0.3kg,今次弊啦...咸豆重得仲快過我...

信邊個好?

今日去左威院check up... 原本個schedule應該係8/8,可惜果日去唔到,所以姑娘改左今日...

今日係我首次俾姑娘講我心跳高,要再check!! 不過,助產士再幫我度,佢話可能係果時岩岩到,所以先快左d jer!! 臨離開時,姑娘叫我要食多d野,因為我重得少... 而我既大肚失憶症好似越來越嚴重,我差點忘了要攞到診紙... 走出門口後,要再折返問姑娘攞... 在攞完到診紙準備離開時,又俾姑娘叫返轉頭... 佢見我在威院只照過結構,又見我重得咁少,佢有d擔心,所以決定安排我下星期再去照超聲波...我離開既時候,姑娘再三叮囑我要食多d...

我心想: 余醫生先話咸豆有過重既危機...點解姑娘反而話我重得太少呢? 真係唔知信邊個好啦...

今日磅數: 52.8kg (116.16磅)... 比起大概一個月前係醫院磅係重左3.5磅左右... 不過,比起4天前係余醫生到足足輕左1.3磅... 哈哈哈...

今日號外: 日盼夜盼既Econ成績剛剛收到啦!! 又係一個出乎意料既成績~ 點都好啦,仲有兩科... 因為咸豆既關係已經停左一科,希望下科可以join返... 如無意外,下年可以畢業lu~ YEAH!!!

我有5.02磅啦! - 34週

進入8個半月啦,見醫生就由四星期一次變成兩星期一次...

因為今日係余醫生放假前最後一日應診,所以今日特別多人! 我足足等左成1.5鐘先有得見醫生... 因為咸豆有時會"噗噗噗"好似心跳咁,所以我就問醫生點解會咁... 醫生話咸豆可能係打c egg wor...

醫生一照就話咸豆好似長得快左少少,今次磅有成5.02磅(2247g)! 平時一個月先加1.5磅左右,但係今次兩個星期已經加左接近1磅啦@_@ 醫生話等佢返黎會同我量一次盆骨,因為要睇下咸豆夠唔夠位出黎... 小咸豆,睇黎我要同你減下糧先得啦!!

今日磅數: 53.4kg (117.48磅)... 比起兩星期前,重 0.5kg,即係待咸豆重,我無...

產假之迷

接近咸豆出世既日子越來越近,雖然同事們都知我幾時放假,但係上星期五有時間就submit埋張form比老闆簽... 誰知下午收到HR留言,話我個leave有問題,因為maternity leave (ML)最少係預產期前兩日架! 我滿腦疑惑:我有2weeks前放假,只係之前有幾日係annual leave (AL),因為這幾日AL要在31/10前放麻!!

星期一打去HR同佢講,佢竟然話Policy係咁! 佢仲叫我早d放! 小姐,我已經同佢講左呢到開學要用人,如果我之前放到就唔洗將d AL bring forward啦 >.< 佢仲叫我叫我老闆再將d假再bring forward多一個月... 老實講,你要叫d高層再簽過幾份文件就係為左將果幾日AL放頭同放尾,我覺得有d無聊lor...

我又問佢,橫豎我今個week要見醫生,如果醫生check到個預產期會遲,我再submit過張醫生紙啦! 佢竟然大我話:如果你早左生,d假都係無左! 我即刻問佢羊叫無左, 我早左生要話佢知架羊? 佢仲話當然! 原來佢既意思係如果我未開始放假就生,個產假都係由生果日開始計10星期... 我心諗:我真係生左就當然即刻放啦,唔通生完再返黎開工先放羊!

最後,我叫佢將張假紙俾我再submit... 佢竟然sent俾我老闆個秘書,叫佢俾老闆俾我!! 秘書小姐當然係就咁俾番我啦,你估我老闆好似你咁得閒羊~ 之後我同我阿姐講,佢問我係米要將d AL 再defer... 我同佢講如果唔想煩老闆,我照佢寫之後再TC返,橫豎d TC又唔洗經HR... 我阿姐當然同意啦,唔洗煩麻! 而且放既日子係exactly我之前submit既日子,何樂而不為?

好腳頭

闊別左香港3年幾既8號颱風訊號今日終於"返來lor"! 跟同事們食lunch時還在討論會不會明早掛上(因為我明天要返工)或是好討厭在我們收工前才掛!! 當然若可以3時前掛上,大家有半日off都好啦!! 食完lunch後,回到office已從學生口中得知天文台已經預算在3.30前發出8號風球... 但好可惜,這也不代表我們可以早收工... 直至2.15分,有同事通知我"大肚婆走先啦,唔係一陣迫親你"... 所以我就好開心咁走,還提醒同事記緊通知沙田那個大肚婆快d閃!!

去到火車站,其實已經有好多人,不過都係似平時放工咁jer... 上到火車時,8號風球已經掛上lu!! 好不容易去到沙田的百隹,可能係好耐無打風,所以大家都以為會打幾日... 所有的疏菜同肉都賣光了!! 只好再行遠些去西田試試... 好在,那裡雖然人很多,但都有野買... 其實,我都只係想買今晚的晚餐,所以買了少少菜同豆腐就走lu...

咸豆爸亦係我付款時趕到... 他建議搭的士,不過去到旳士站已有長長的人龍... 警衛哥哥同我地講:"可能要等好耐先有車,不如你地去搭小巴啦!"於是我地就急急腳行去小巴站... 一心以為不會有屋苑車,點知有wor! 咸豆爸一支箭咁去攔住架車,不過己有好多人湧緊上車啦! 好不容易我先去到車門,不過被好多人擋住,咸豆爸又走左上車,我不知幾擔心上不到車...(因為當時係完全唔會有人理會你係米大肚婆>.<)好彩,我還是上到車!! 上左車後再向窗外看,真係好興幸自己上到車同有屋苑車,如果唔係,我想最少要等一小時才可以返到屋企~~

返到屋企,最開心當然係我既Princess & Prince啦!! 後來在新聞看到原來上次掛8號風球已是3年前lu... 今朝起床時本來眼瞓到唔想返工,而家幾好可以有半日休息瞓番下... 哈哈哈~ 咸豆真係好腳頭^c^

BB展

一連三日既BB展終於在乞今個weekend舉行啦! 之前上左d forum做d research, 睇下有d羊要準備同抵買... 大部份既comment都係無羊好買,不過會有好多sample攞... 而之前大肚婆同事都提醒要準備d有自己資料既label,因為攞sample要fill in好多資料的!

因為星期六要返工同等表哥攞d BB既用品黎先可以決定買羊,所以決定星期日先去... 本來準備11點到,但最後都成12點先出到去... 咸豆爸扭計要先食野,所以在灣仔其中一間荼餐廳食野... 係等食物來既時間睇到人家份報紙寫:"BB展大混亂,有孕婦暈倒"... 心裡一寒,然後想係米應該唔去呢? 不過,都一場黎到,都係去睇下啦!

去到現場,都不是報紙講得咁誇張,我去到既時間都無人排隊買票... 入到場內都不是狩多人,於是就決定一行一行行... 雖然人家說不是很多東東買,不過我最後都有不少戰利品... 有奶泵,一件印有小狗既衫仔,兩對鞋仔,一個沖涼網,濕紙巾,洗奶樽液,BB梳,指甲鉗...當然,我都攞左不少贈品啦~ ^v^

離開既時候已是4點幾啦... 足足行左4個幾鐘...自己都覺得好厲害!!

我有4.13磅啦! - 32週

今日又係見余醫生同咸豆既大日子!! 今日既booking係6點,不過到最後都要成6.45pm先有得見... 上次無攞到余醫生既call機號碼,今日一見佢就問佢攞左先,費事到時要生既時間想搵阿醫生都搵唔到... 攞完call機後,我就同醫生講咸豆好活潑同我近期都覺個肚有d硬...

正式開始照咸豆,醫生話佢而家已經有大約4.5磅(正確應該係4.31啦...哈哈^c^)... 又話以佢既進度,應該會有6-7磅左右... 醫生又話咸豆可能會早出黎,因為佢而家個頭仔已經有d落左盆骨... 不過佢可能feel到醫生攪佢,所以見到佢扁嘴...

因為已經進入第32週,所以今次2個星期就可以見余醫生啦... 但係因為余醫生要放假,所以只可以book到4點幾既時間... 不過,到時都係攞sick leave,無所謂啦!

今日磅數: 52.9kg (116.38磅)... 比起一個月前,都係維持住一個月重1.6kg右左,進度不錯...

仲有60日>.<

不經不覺咸豆已經係我個肚到居住左八個月啦... 可憐既佢到而家都仲未有個確定既中/英文名,所以唯有繼續叫佢做咸豆啦... 希望唔會到佢出左世都仲未有名啦...

都有成個月無見過佢,唔知佢而家有幾重呢? 不過好快今個星期五就會知啦... 到時仲要同醫生講佢近期超active,又成日攪會到我個肚硬硬咁,希望佢唔係要早出黎啦!!

政府醫院一遊 (take 3)

今日係第三次去政府醫院覆診... 本來是約了上星期三,但因工作關係走不開... 心想:算啦! 橫豎都打,算係仁安生,又有check私家... 再加上次次去都等鬼咁耐,不去也吧... 誰知而家d公立醫院會好服務到咁,阿姑娘自己打俾我留言幫我改期... 既然人家咁又誠意,我都不好意思再失約...

今日個booking係10.45am,我大概早了15mins到醫院... 做完平常的磅重,measure blood pressure同驗尿後,我便攞了兩本baby magazine睇...根據以往既experience,應該要成個鐘後先有得見姑娘... 誰知15mins後,竟然聽到自己個名... 但因為好細聲,我還以為自己聽錯... 去到房門口,都仲要問左姑娘先咁入去... 入到去有成4個姑娘係樹,佢地好緊張咁同我講話叫左我幾次,又問我係米等左好耐... 可能因為我之前張到診紙係9.15am,所以佢地以為我等左好耐(我想:正因為咁,我先可以咁快有得睇),我同佢地講我今日既appointment係10.45am,所以我都係等左一陣jer... 因為有學護在場的關係,所以今日既check up俾上次耐少少,不過都係摸下肚同聽heart beat... 加埋約期,11.30am已經走得!!

返到公司,順路去埋HR攞份簽唔簽都擺既contact... 點解? 因為兩年加埋既加薪,都未到我入職時request既expected salary... 問過所有相熟既同事,加既percentage都係一樣... 唉... 睇黎公司真係唔係好知出面個市係有幾吸引啦!!

今日亦正正係我既農曆生日,所以媽咪同麻麻過左黎食飯... 我地去左出腳間津津食(原來都唔會好熱jer!)... 之後返左屋企切蛋糕... 不過,今次係雪糕蛋糕!! 原來雪糕蛋糕真係要先攞出黎解凍,如果唔係係會切唔開... 幾經辛苦先切到少少食jer... 雖然辛苦,不過好好味!

今日磅數: 51.2kg (112.64磅)... 比起三星期前輕左0.2kg... 奇怪...不過,因為唔同磅... 都係等下星期去余醫生再作準...

正式開始"抖"暑

琴日終於都完成左個Econ考試... 考成點? 都係唔好提啦...

本來一路都想唔停個course上埋8月果科,因為一停左,班同學仔又會唔同左,而今次又唔係出名多野做既lecturer教... 不過,係呢兩個星期以來,我發現自己既體力下降得好快... 所以最終都係決定係時候要停啦! 琴晚攞左個BB list出黎先發現仲有好多野未準備,令我更加覺得我既決定係正確既!!

生日...快樂?!

今年既生日過得特別... 平淡...

踏正凌晨12點,在家中與Princess & Prince及咸豆爸舉行了一個切蛋糕儀式... 最開心當然係Princess & Prince啦,因為有佢地最愛既蛋糕... 不過,見到佢地咁開心,我都好開心既...

因為今年學校既function提早左,所以今日可以請假休息一天... 起床梳洗好都已經中午12點多了... 見今日天朗俘清,便帶了我的實貝去街街... 因為Princess不可以出太耐,所以都係係屋企樓下玩... 雖然每天回家都要多搭一程小巴,但這裡的環境,真的比較適合我對魔天使寶貝...


安頓好一對活寶後,便開始今天的行程... 第一站去了灣仔我上課的地點領功課,之後便到附近的粉麵店吃午餐(可能叫下午茶比較合適)... 因咸豆爸答應了玩具陪他買notebook,我們便去了CWB會他... 在電腦商場逗留了半小時我們便與玩具分開了,一來他還有其他的朋友相伴,而我又要趕住去Sogo shopping... 一心想今日是平日,而這個內衣品牌的折扣優惠都已進入第三天,應該比較少人吧... 不過,原來香港仲有好多人平日係不需要返工架!! 而我亦好肯定如果weekend時去,我一定羊都買唔到... 逗留了半小時,都有不少戰利品... 平日$700幾元,最多可以買到兩套內衣褲... 但今日我竟然可以買到十多件貨品,當中還有兩套睡衣哩!! 好抵!

晚上因約了我的家人在TST食dinner,所以離開Sogo後便撘巴士到TST... 一下車,肚子便有點不適... 或許是前晚食了一些不潔食品,我這兩天也有點腹瀉... 而小咸豆亦因此變得比較活躍,我想他也有點不舒服吧... 本來今晚是吃我最愛的韓國燒烤,可惜因肚仔唔舒服,所以都唔可以食好多...晚飯後,便回家了...

或許比起很多人,這樣的生日已經很好了... 或許我應該學懂知足吧...

(P.S. 今日最開心的是收到不少好友的生日SMS,在這裡要講聲多謝! 本應一一回覆,但因今天在街上的精神實太差... 唯有在此一次過多謝各方好友啦~)

我有2.81磅啦!

等左咁耐, 終於有得見咸豆啦! 因為今日book左5.30pm,所以要早少少收工... 誰知今次去到竟然要等成40分鐘~! 入到去見到余醫生帶左mask, 仲好忙咁打電話...(這是我第一次見余醫生帶mask)... 醫生話有個patient突然轉軚要開刀, 所以佢要即刻book手術間... 醫生今日仲病左, 真可憐! 打完兩個電話後, 佢開始問我野... 我話佢知之前都病左幾日, 食左佢開既收鼻水藥3日, 所以叫醫生再開多少少俾我看門口... 開始照咸豆啦... 佢一定係等太耐, 所以今日係明顯無咁活潑! 不過亦因為咁, 今日醫生可以好清楚咁照到佢個樣... 大眼睛, 面型都幾似我(哈!無錯,又係似我!)! 醫生話個預產期比起之前早左4日, 不過而家都係言之過早... 咸豆, 希望你乖乖地咁做個天秤座小b啦! 人地話天秤bb會靚仔d架!!

見完醫生後, 就趕住去仁安上第一堂產前班... 今日主要係講產前須知同營養... 我一邊上堂, 咸豆一邊踢我... 可能佢feel到周圍有好多小b, 所以佢想同佢地say hi! 上完堂既得益係, 我要再飲多d奶同食多d菜... 因為如果我食唔夠鈣,咸豆係會直接係我個儲備到攞... 雖然, 我一向都好like奶類飲品, 但係都係intake多d好d... 而菜菜都要一日有1.5碗, 以我而家既diet, 好明顯係無既!

今日磅數: 51.4kg (113.32磅)... 兩星期重0.8kg,進度不錯... keep住呢個progress,應該唔會重多過12kg...

木頭紀念日 (十字架紀念日??)

Time flys... 好明白點解5周年會係"木頭紀念日", 因為這5年既經歷同聖人背十字架的感覺一樣...

因為係平日既關係, 而近來公司都好忙, 所以今日都係返工... 到12點收到receiption既call話有花收... 送花既嬸嬸同同事以為我生日而向我恭賀, 我欣然接受佢地既恭賀後再解釋今日其實係我嫁左5年既日子而已... 將花攞返位時, 同事們都不禁嘩嘩聲... 收過花後就打電話俾咸豆爸say thanks, 不過主旨都係問佢會唔會黎pick up我, 因為花太重, 攞唔到...

放工後, 咸豆爸足足用了45分鐘才黎到我office... 連同事都不禁問: 佢係好遠返工架? 你頭先同佢通電後已有一段時間啦wor... 我只好回答: 澳洲人, 係咁架啦... 之後, 返了沙田吃飯就回家了...


(Princess Coco & Flowers)

慶祝香港特別行政區成立十周年紀念活動之咸豆百日倒數

時間過得真快,不知不覺間仲有一百日就係咸豆出世既日子... 其實近期越來越可以feel到咸豆在肚裡反豆,看來他將來都會是比較活潑的一群了!

今天剛巧亦是到政府醫院checking既日子... 一如以往,都係一個等字... 磅重,量血壓同驗尿... 以為見姑娘唔洗等咁耐,點知等了整整一小時先見到助產姑娘... 姑娘問我有無野問,我又真係無wor... 佢就同我量肚仔同聽bb心跳,一切都normal... 佢話我知點可以register產前班同出了封轉介信俾我去登記d要$$既產前運動班後又再問我有無野問... 為了滿足佢,我就問佢:上次姑娘話bb oversize,係米應該no problem... 姑娘就話:唔係呀!(一邊retrive返上次d record睇)佢都係average size,只係肚仔大少少,不過個個姑娘measure個圓周都唔同,如果姑娘攞得盡d米會大dd... 咁即係唔係oversize啦!! 下次真的要考慮返唔返去waste time,因為佢做既野,余醫生都有做,仲有得見咸豆添~ 想起都想快d可以見到咸豆,好期待7月6日的來臨!

今日磅數: 50.6kg (111.55磅)... 比起個半月前用同一個磅,今次係重左6磅到... 進度都okay啦... 希望keep住唔好重太多就好啦!

我有1.42磅啦!

好耐無見過余醫生, 今日終於可以見到佢啦! 真係好鍾意係沙田呢到覆診, 尤其係想到係威院覆診下下都要等成兩個幾鐘, 呢到簡直係天堂!

今日好乖咁記得帶之前d report俾余醫生,佢好細心咁講解OSCAR個report俾我知... 我同佢講威院個姑娘話咸豆oversize,佢即刻攞住個report同我講:阿b係12week時,都只係俾正常大少少,唔算oversize wor... 跟住我地就去左超聲波見下咸豆...

今次余醫生終於肯講咸豆幾重啦! 佢而家有642g(即1.42磅)... 頭同肚腩仔既size都正常,不過醫生話佢個鼻仔都唔細... 哈! 頭先佢仲打"喊露"俾醫生影左相~~ 醫生仲影左張幾正面既相tim!

今日磅數: 49.6kg (109.35磅) - 又係同一個磅, 比起兩星期前輕左0.21磅...

Supersize B

今日係照結構超聲波既大日子!! 呢種係照下bb既五官同內臟係米發育正常...

因為係book左係威院做, 所以又可以save$600幾(因為係私家照都差不多要呢個價...)!! 因為係約左下午1.45,所以朝早都係如常返工... 放工同豆爸meet up後,買左個飽就去威院等...

去到見個場咁吉,心想:好啦!可以快d有得睇... 因為我之前應該只有一個patient... 登記後就乖乖地坐係到等... 時間一分一鈔的過去,第一名孕婦已有點不耐煩去登記處問... 聽到佢返黎時同佢老公講:姑娘去左lunch未返... 我心想:一定又係早上既booking overtime,所以下晏又要遲!! 一小時後,我見第一名孕婦還在等,所以我都去問一下... 我同姑娘講,已經等了一小時多,但係一個人都未叫過!! 姑娘好公式地叫我回去等... 心想:食lunch洗唔洗食咁耐呀?

終於姑娘都叫左第一個孕婦入去!! 個孕婦入左去差不多成半小時先出黎... 之後我再等多二十幾分鐘,終於終於到我啦~~ 一心諗,這次應可以照得清楚d,因為佢部機係好貴同好新... 可能今日等太耐,連咸豆都好似瞓左... 姑娘好用力咁篤落去,好似好難見到咸豆咁...不過,總算見到咸豆既五官同知道佢有齊內臟(因為姑娘足足重複講左3次...難怪要照成半小時啦...) 成個過程都唔係好睇得清楚,總知好似睇緊"The Blair Witch Project"咁... 照完一輪,姑娘叫我整理好衫褲... 我還以為已經走得,不過姑娘又叫我坐低... 等左一陣,姑娘就終於開口!! 佢話bb都齊整,屬於大碼bb(重係top size)... 我心想:唔係麻,我個肚同個人都咁細,咸豆竟然係Supersize B??離開時一邊同豆爸discuss,大家都覺得咸豆既咀似我...而豆爸仲覺佢個鼻都似我,不過我睇唔係好清楚,所以no comment...

睇完醫生就同豆爸去左IFC interview... 佢上左去成個鐘,好彩我要去HKMA stamp CEF既chop... 本來諗住由IFC去美銀中心不是太遠,但原來一來一回都要成個鐘!! 都好既,唔洗我搵野做等佢... 係行去IFC途中,見到莫文惠行左去文華酒店,一身sporty look唔知係米去做gym呢?

返到屋企,成間屋好似打完仗咁,先醒起今日test firm alarm... Princess一定係受驚過度,所以四周"大大"同咬碎我d鞋盒!!! 因為佢成面都濕晒(太多口水的關係),唯有同佢洗面...之後,佢竟然pee血尿!! 佢好耐無咁樣!! 不過見佢精神okay,又食得... 希望佢無樹啦... (好擔心...)

頑皮豆...

由琴晚開始經已不斷地feel到咸豆在肚裡活動... 不知是否佢太活躍的關係, 所以整晚都睡不好...

今早如常起床梳洗,出門上了小巴後開始覺得小腹及尾龍骨位置抽住痛... 上了火車後, 情況都是一樣, 幸好今日都有個"好心人"(其實佢都係見我望左佢一眼,又見我面都青埋,先讓我...)讓位俾我... 到落車時,已經無咁痛,但都係選擇了坐小巴返去... 返到公司後,還是有一點不自在... 到了差不多11點,我還是決定去睇醫生... Check過卡片,明明見余醫生今朝會係沙田,但係姑娘卻說他不在,最後安排了葉醫生(一個新加入的醫生)睇我... 因為心急的關係,所以就照睇葉醫生,橫豎8月余醫生要放假都係要睇第二個...

去到做番一般手續後,等左一陣就有得見葉醫生... 以為是一個後生醫生,誰知他都有50幾啦! 佢好細心咁問我有羊唔舒服後,就同我照ultra scan... 成個半月無見到bb,佢已經比上次大個左好多啦! 照左大概十分鐘,佢成程都係咁伸手伸腳... 醫生check過子宮同胎盤都無事,應該會係因為咸豆太活躍,所以踢親我!!! >.< 醫生話佢頭同肚既size都正常... 唉! 就係因為咁,就要俾$450醫生... 咸豆,媽米會出番張單問你攞番架啦!!

因為都仲係有d不太自在的感覺,所以都係決定返屋企小休一下...

今日磅數: 49.8kg (109.56磅) - 今次用果個磅同上次見余醫生個一樣, 比起一個半月前重左4磅啦!

小假期前的惡夢 (後記)

今日係一個好值得記低既日子...

自從有了咸豆之後,我的記憶力日漸越來越差... 昨晚突然想起今早老闆同幾位老師開既meeting上星期五竟忘了send reminder!! 雖然, confirm meeting 個email只係上星期初才寄出, 但係還是有點不安... 因此今天特別早了一點回公司, 起碼有事都可以補救... 好彩, 老師們通通都出現了... 目送他們入了會議室後,我總算可以吃早餐!!

放工後,第一時間就為我的Princess Coco買Birthday Cake... 今天是她9歲生日的大日子!! 回到家後, 兩姊弟已經同婆婆太麻玩得好開心... 好少在人前笑既旺你細佬, 今晚更是笑足一晚 ^v^

不久,有同學msn我話Financial Management既成績已經出了... 心裡一沉... 因為一直都是在等電話,希望有supplementary exam... 誰知... 可能係太緊張, 所以不斷都login不到... 滿心以為是system有問題, 還send了email叫學校reset password... 之後就同Princess切cake慶祝生日... 婆婆同太麻走了之後, 我不忿再試login一次, 才發覺原來自己改了password... 哈哈!! 成功login後, 戰戰兢兢地click了My result一下... 真的不敢相信, 我這科的成績竟然是我6科以來最好成績的!! (我相信professor應該係無改exam paper...) 點都好, 這個成績俾了更多信心我去完成餘下既4科!! 更令我覺得即使8月那科, 我或許都可以應付!

Princess Coco, you really are my lucky star!!! Happy Birthday to YOU!!

政府醫院一遊 (take 2)

五月四日

雖然今次係第二次去政府醫院, 但係政府醫院body check都係第一次... 因為上一次只係去做OSCAR...

今日9.45am到了醫院, 今次係由mami陪我去... 去到counter登記之後, 就去了磅重, 度高, 量血壓同驗小便... 見唔係好多人, 心想:應該會洗等好耐... 誰知一等就45分鐘... 到佢叫我時, 以為終於可以見醫生, 點之原來係去俾姑娘問話... 問完一輪, 又出番去等... 又過了半小時(或以上), 終於有得見醫生啦!! 係一個印度既女醫生... 一心以為:"應該同私家check的差不多..." 但係阿醫生竟然攞出一個鐵鉗出黎... 我最憎就係果個鉗,再加上阿女醫生... 唉! 我一路既想法真係無錯, 男醫生真係會比女醫生溫柔!!

入去見醫生只係概十分鐘到... 無錯係十分鐘!! 出黎之後, 同姑娘book埋下次check up就走... 離開既時候已經成12點半啦... 同我第一次去尖沙咀睇余醫生有得比!!

今次check up無照超聲波, 所以要等到下次5月25日照結構超聲波時先有得見lu...

今日磅數: 47.8kg (105.16磅)... 比起個半月前用同一個磅,今次係重左4磅到... 不過,比起一個月前係余醫生到,都係一樣重...

和討厭的人一起工作是要學習的

由一位朋友轉寄來的電郵... 一門很高深的學問

和討厭的人一起工作是要學習的

不要為了一個你討厭的人，而離開許多你喜歡的人
快樂的笑容帶給你一生的幸福
討厭...就不理他呀 ....別放在心理就好了呀...

人在外工作，每天要見好多人和好多人說話
一定會討厭的人存在
真的有的人是因為某人而離開
但是真的很不值得

自己才是最重要的人不是嗎
為自己離開或留下
不要為別人
不要為了一個討厭的人，而離開許多你喜歡的人

今天聽到的小故事。
來演講的老師講了以前一個學生的故事：

做作業分組，十二個人一組，他來要求老師說他要換組別。
為什麼？
因為他很討厭其中的一個人。老師就讓他換了。
不過問了他說：其他的組員你也都討厭嗎？
學生：不會啊，都滿喜歡的。

老師：那這個人，在你生命中重不重要？
那個學生答：重要個鬼啦！討厭死他了！
「但是十個好朋友 留不住你，你卻為了他一個人離開。」
這個人，重不重要呢？

如果在生命裡的重量沒那麼重的話，

又為什麼要這麼在乎他呢？
與其為了一個不重要的人離開，
還不如為了十個喜歡你，你也喜歡的朋友留下。
還講了個有意思的話呢，我挺喜歡這個老師的。

每個人都很荒誕的會認為
「全世界的每個人都應該喜歡我。」
但是如同自己有討厭的人跟喜歡的人一樣，
自己也會被人討厭和被人喜歡。

和討厭的人一起工作，
一起唸書......... 是要學習的。

小假期前的惡夢

今年四月對於我黎講可以話係放假月! 放完Easter無耐, 我又因要清假既關係由星期五開始放一個一星期既小假期...

在上次去見余醫生時已問過佢是否我適合去旅行, 幸好佢既答案係"okay!" 所以我已經係極短既時間安排了一個四日三夜既布吉之旅... (其實, 去睇醫生之前, 我都有做過少少research... 因為而家唔去玩, 咸豆出黎之後就更加唔洗諗...)

不過, 在去旅行既前一天, 我應付了一個如無以外係阿sir因投資失利後心情不佳既情況下出問題既exam... 亦因此我正式放假前雖然一直都有為這次旅行做preparation, 但我郤沒有那種未出發先興奮既感覺.

昨晚我讀到成兩點都未讀完... 有一刻在想:我究竟係米真的可以繼續應付這個課程呢? 不過, 我又想, 如果而家停, 我就會變得無所事事... 還是咬緊牙關吧! 好可惜, 到最後個exam真係超難... 但既然所有同學考完都有同一個反應, 唯有聽天由命... 大不了考supplementary... 考完後, 一出黎除了見到Calvin外, Wing(中學時認識既好友暨calvin現時同事)同Billy(Wing既愛情長跑男友)都已經在外面等我. 我地一齊去左考場對面的茶餐廳食野同傾下計. 之後, 我地又去左旺角火車站個shopping mall到行下同食晚飯... 返到屋企已經成十點, 好急咁pack左行李, 平時我地拾行李時, 家姐高糕總會好唔開心, 不過, 今次郤一反常態咁表現得好開心... 我想, 她一定係知佢婆婆會黎住, 咁佢又可以日日去街街!! (心淡!)

咸豆長大了!!

今日第二次去見余醫生, 不過今次同上次簡直係天堂同地獄... 上次一去成兩個幾鐘, 今次只須半個鐘!! 無錯, 係半個鐘!

我去到既時間得一對couple係到, 等左一陣就有得睇啦! 余醫生一見到我就話好耐無見同問我點, 我第一時間同佢講我病左, 因為我有鼻敏感... 佢好好咁同我講如果無發燒, 咸豆都唔會有事, 係媽媽辛苦d啦... 之後佢又問我上次照唐氏綜合症照成點, 又問我係o米 book o左係威院做結構超聲波... (佢真係好多野講!!)

今日做scan再一次confirm咸豆係仔仔, 可以開始改下名啦, 哈! 不過今日唔係好睇得清楚咸豆個樣, 只係見到佢已經曲左腳, 所以已經度唔到咸豆幾長啦! 不過都証明咸豆已長到一個程度, 要曲腳先夠位... (咸豆說: 媽o米, 係你太細粒已而!) 余醫生都話我比較細粒同腰短, 所以會好見肚... 但係點解個個都話我唔覺眼? (醫生就話: 因為媽o米比較skinny...)

今日都正式book o左余醫生同係仁安既床位, 而家可以放心去做其他東西lu...

今日磅數: 47.9kg (105.38磅) - 今次用同上次見余醫生個一樣, 比起一個月前都係重左1磅到啦!

P.S. 今日知道同事珍花花都bingo o左, 超開心! 不過, 佢粒咸豆就唔係好聽話, 所以花花要在家休息! 希望佢粒咸豆乖乖地, 咁我家咸豆就有伴啦! 我地會一齊為花花同花豆打氣!! >加油呀!!<

又病o左...

我下一次再放d係冬天既長假, 我一定要去熱既地方避下... 我又一次因為天氣太冷及俾世紀帶茵者傳染下病起黎... 好彩, 到現時為止, 我都未係好病, 係流鼻水喉嚨有d唔c服同頭痛... 所以整個easter holiday都係留係屋企休息... 希望會快d 好啦!

今日收到Jenny既email, 上去佢個blog到知道佢都有左3個月, 真係好開心!! 其實, 上次係街到撞到佢時已經覺佢有左, 不過係無問佢... 佢既預產期應該同我差不多, 到時可以交流下心得... 哈哈!

政府醫院一遊

今日去左威院做唐氏綜合証症既test... 雖然35歲以下都係低風險，不過既然有得check咁都係早d好...

10:45到威院，登記加等報告最後都成12:45先有得走... 不過可能係要周圍走（因為要走去另一橦building交錢）又或者佢唔係book好多case，所以又唔覺等好耐...

成個過程係佢幫你抽血，之後就去醫生到照超聲波度頸皮. 照過咁多次，今次係見得最清楚！口多多問醫生佢係boy or girl, 醫生就話"你話呢?"之後佢就 point 住一點話通常女仔都無果點，所以80%係仔... 不過，都要等多個月會準d... 一邊照時，咸豆又係活動中... 見到佢個口仔好似講緊野咁，手仔"沃沃"下！！咁細個就咁鍾意講野，唔通真係要叫譚(談)天 >.<

今日磅數: 46.2kg(101磅) - 睇黎真係要用同一個磅先會準，明明都係電子磅，但係差咁遠...

中左獎!....

一月二十八日
一向月事不準的我, 今個月又遲... 心血來潮之下, 去買了支tester驗下... 一心想:"應該唔會架啦!" 誰知中左... 一下了, 真的不敢相信... 一定是這個牌子不準, 明天還是買別個牌子test多次!

一月二十九日
雖然不相信, 還是打了電話去book平日睇開個婦科醫生明天去check up, 橫豎都是時候body check... 不過放工後還是買別個牌子tester再test多次, 結果還是... "恭喜你"....

一月三十日
去到診所等了半句鐘終於見到醫生... 醫生問:"今日黎做羊?" 我就同佢講我好似有左... 佢同我照左超聲波, 見到有粒咸豆形狀既胎包... 推算之下, 應該有6星期... 佢開左d維他命俾我, 叫我2week後再覆診...

二月十三日
再一次去見醫生... 今次等左成個鐘!!! 好彩個好cute既小朋友同我玩... 睇佢個身形同講野, 以為佢都有2歲半... 誰知 - 佢只有22weeks連兩歲都無!!! 而家d奶粉真係可怕~~

一小時既等候, 終於姑娘叫我啦! 再一次照超聲波, 醫生話佢已經有心跳仲俾我聽... (真想不到, 佢應該只有6星期(實際)原來已經會有心跳)...

今日體重: 103磅

二月十八日
大年初一... 但係我就病倒了!!! 十二點多去左睇醫生, 好彩上年calvin病時發現第一城有醫生新年都開, 如果唔係都唔知點算... 同講醫生我有左, 佢就話最好當然不食藥, 不過醫生開得都okay既.... 睇完醫生就返左TM... 大家係出面玩時, 我就瞓足成日... 但係都係無進展...

二月二十一日
本來今日要開工, 最後都係要繼續係屋企休養... 今日主要都係休息同讀書... 其實, 我病左咁多日, 真係有少少擔心佢會唔會點... 會唔會已經暈左呢?

二月二十二日
今日返左公司... 不過一路由九點流鼻水同咳到五點半... 好在, 明天不用返工... 可以邊休息邊讀書...
二月二十四日
今日終於都考第五科... 三個小時考試中都係不斷咁咳... 考完之後, 同學仔即刻話:"你真係病得好厲害!" 唉! 簡直係病入膏肓...

完左之後, 我去左同甘比佢地食飯... 之後, 就去左Stella屋企團年... 得知佢地五月會註冊, 之後會去天津... 好開心終於有好朋友結婚, 但係我都仲未有機會做姊妹... 唔通我都係無咁既一日?

二月二十八日
由於病左咁耐都擔心咸豆會頂唔住, 所以今日去左睇醫生... 可能係過年中的原因, 所以好快有得睇... 好彩佢無樹, 仲長大左... 醫生話佢生長速度都正常, 應該都會近預產期... 不過佢無樹, 我就大出血... 俾醫生抽血驗... 是次睇醫生共$1,400~~ 好後悔無買婦女保險, 公司果份實在太... 唉...

今日體重: 103磅 (我想我是瘦了, 要不然為何咸豆大了但我仲係一樣重?)

三月十二日
今日去左見另一個醫生, 因為一想係仁安生, 但依家個醫生只會在仁安做開刀... 雖然, 我都未知會順產定開刀, 不過多個選擇都係好d既...

上這間診所之前都聽過即使預約左, 都要等成兩個鐘... 原來係真既!!! 我足足用左兩個幾鐘先睇完... 好彩個醫生都算okay又多野講... 今日照超聲波時, 仲見丁到阿B好活潑咁彈彈下~.~ 連同場兩個姑娘都睇到"嘩嘩聲"... 雖然佢咁活潑, 但係... 我都係feel唔到!! 醫生話如果我咁早feel到就慘啦~

今日體重: 47.6kg (around 104磅)... 又重左1磅啦!!!

FRIDAY THE 13TH~

I feel like today is FRIDAY THE 13TH!!!

SUPER SUPER BUSY!!!

My friends, if you knows someone is working on a Reseach topic relating to "SLEEP" (eg. How long can a person sleep?) or "Mattress testing" and need to find guinea pig (with pay). I am eager to find this DREAM JOB!!

你做"勝"行?

昨晚去了一個同學仔公司在旺角xx酒樓攪既Christmas Dinner... 係我生平第一次參加這類company party... 基本上, 你可以話係一個佢公司同生意伙伴聯誼既飯局...

一共十二圍, 座無虛席! 食物好似去飲一樣, 有遊戲玩, 亦有敬酒儀式同切蛋糕... 與一個婚宴無異!!

我之所以話係生平第一次是因為我從來沒有去過一個百幾人在交換名片既場5合...

其他人的話題都是... 你做邊行? 係邊上班? 你點識主人家? 之後很勉強找個可以繼續既話題講下去...

我自問真的不善交際, 幸好有班同學一齊, 所以大家可以傾下課堂既事...

剛好昨日又得知有同事即將離職, 令我想到我下次轉職時可以做咩? 我應繼續在這行發展, 還是轉行呢? 如是轉行, 我又可以做咩呢? 如果要我從商, 又要去這些名片派對, 我想我不會開心...

我既理想工作係人工好, 福利好, 同事好, 老闆好... 大家有無好介紹? 哈哈!

理想的葬禮

已是我今年到過的第四個葬禮了! 人大了, 要到的葬禮自然多, 但也想不到一年有四次那麼多 >.<

不過, 今次的葬禮令我有一點領悟. 之前三個葬禮都是行基督教禮儀, 賓客都只要鞠躬就可. 相比起其他不是天主教或基督教的房間寧靜得多(空氣也清新多了!).

今次的葬禮是採用道教形式(或許是因為先人沒有特別的宗教信仰關係吧!). 氣氛比之前"熱鬧"多了! 有師傅們每小時進行法事, 大家亦不斷為先人接金紙和燒衣... 當然亦有晚上的高潮項目"破地獄"~ 師傅們老練的步法, 再加上最後那個火燒天花板既場面, 真係不能不用"精彩"去形容! 翌日早上仲要晨操, 之後又是一連串的儀式...

經過這個葬禮後, 我開始在想我將來的葬禮會是如何的呢? 老實說, 我真的不喜歡那些法事... 太吵耳! 但是, 一個沒有宗教信仰的人, 是不是必定要行道教或佛教儀式? 如果可以的話, 我希望我的親友都可以在一個較寧靜的氣氛下送我, 不用那些吵耳的音樂, 亦不要任何香燭... 只要有花, 有我喜歡聽的音樂, 親友們只要傾下計, 飲下野就可以了... 即使到了最後的送別儀式, 或許只要像西方的葬禮般找一兩個親友分享一下我生前的點滴作為大家對我最後的記念... 我想, 這些已很足夠了...

不過, 如果葬禮一定要有宗教的話, 或許我應盡快加入信教吧...

人總會有離開的一天... 何不為身邊人減少一點煩惱, 多添一點輕鬆 ^c^

Long Vacation - Yoga Month

Finally I finished the exam for the forth subject today!!! My next subject will not start till mid January next year... which mean I will have one and a half month off from today.. YEAH!! If everything go okay, I will finish my course next November. Really can't wait till this day to come!! Although it sounds a bit early, I am thinking of taking a yoga teacher course or make-up course next... wahhahahaa...

Some plans for my long vacation... may go hiking next sunday... a gathering with my classmates... Jan Lam's concert... BBQ with colleagues... trip to Taiwan... etc... As you aware from the title, I named my long vacation as Yoga Month... Since I haven't practised Yoga for quite awhile, I think is time for me to pick it up again... (especially I have already picked up a lot of fat in the past few month... I really don't want to waste all those effort that I have put previously...)

TO MY DEAREST FRIENDS,
I STILL HAVE PLENTY OF TIME SLOTS FOR YOU GALS/GUYS... OKAY!!!

Looking forward to fill in more in this Happy Maltese World!

點點滴滴

好耐好耐無寫blog啦! 都係時間update下!

十月初去左沙巴玩五日(實際三日左右). 一心諗住陽光與海灘, 好可惜幾日都係落雨, 所以都無機會晒下太陽... 不過, 沙巴真係一個relax既好地方, 間酒店又舒服, 有時間一定要去多次!! 想睇多d相, 就去我既web ablum睇啦 - http://members3.clubphoto.com/calvin262301/

去完沙巴之後, 我又搵左日去座昂平360, 好好彩果日好順利! 如果佢唔係成日壞, 都真係幾好. 因為佢比起海洋公園架欖車smooth好多! 想睇相又係去我既web ablum睇下啦~

放完成個星期假之後, 又開始返工返學... 真係好難頂!!! 希望12月快d到, 因為到時又可以放假lu~~

岩岩玩完阿琪介紹既game... 結果如下:

Your Brain is 47% Female, 53% Male
Your brain is a healthy mix of male and femaleYou are both sensitive and savvyRational and reasonable, you tend to keep level headedBut you also tend to wear your heart on your sleeve

想試下就去以下既website啦!

http://www.blogthings.com/whatgenderisyourbrainquiz/